Matius 12:7 - Taaz Weru Witu u Nunuwu'en Tombulu

⁷ Witu um Pinantik Lenas, si Opo Empung éng kimua in téntii, ‘Zéi'kan a raragés ang kapaaz-Ku, taan u raraatéan.’ Sa uli-ulit katulapan niou u méipantik itii, tantumo ni kamu én zéi'kan mukum sé tou zéi'kan simala'.

Matius 12:7 ပူးပေါင်းရင်းမြစ်များ

Matius 22:29

A si Yesus mingkotla wia ni séra, “Ni kamu é mahsala', pahpaan zéi'kan katulapan niou a méipantik witu um Pinantik Lenas wo ung kawasa ni Opo Empung!

Matius 9:13

Niitumo, mangémo wo pahtata'ula ung kalakoan u Nuwu' witu um Pinantik Lenas kenu, ‘Zéi'kan a raragés ang kapaaz-Ku, taan u raraatéan.’ Pahpaan ni Aku i niméyé én zéi'kan métumawah sé tou ulit, taan métumawah sé tou mahsingkéla'.”

Markus 12:33

U rumaraaté si Opo Empung karia péléng un até wo karia péléng ung genang, wo karia péléng ung ketez wo kangkasii u rumaraaté si kasuat tou tanu i rumaraaté un tou in esa é lumouspé'mé in ipahpuu-puuna taan péléng sé tatamun tinunu in ipahragés kaapa a raragés walina.”

Kisah Rasul-rasul 13:27

Taan sé tou witi Yerusalem wo sé tonaas néra én zéi'kan mata'u si Yesus. Ni Sia én tinotoz nérala im wunu'en, karia in téntu a méikua né nabi am pahbacan sekez in endo Sabat é linekep néramola.

Yakobus 5:6

Ni kamu é nimukummola wo nimunu'mola sé tou ulit wo séra zéi'kan mahsaru ni kamu.