Matius 12:45 - Taaz Weru Witu u Nunuwu'en Tombulu

⁴⁵ A si sétang itii mondola, matumawahmé sé sétang pitu walina sé lumouspé'mé ung kaléwo'. A sé sétang itii méyé a sumelazla wia si tou itii. Ing kamurian, u nimamuali wia si tou itii é luméwo'pé'mé i makasa. Téntumo u mamuali wia sé tou léwo' in tarékan.”

Matius 12:45 ပူးပေါင်းရင်းမြစ်များ

Matius 12:24

Taan i sé sana réwok tou Farisi timalingala niitu, kuan néra, “Ni Sia mahwoho sé sétang karia ung kawasa ni Beelzebul, si tonaas né sétang.”

Matius 12:44

Ang kuana, ‘Ni aku é mawuri sumaup witi pinahento'angkumé i makasa.’ A sia mawurima sumaup a mailekenna um pinahento'annamé itii én zéi'kan siapa si mahento', weresi wo niimek.

Matius 17:21

Si sétang tanu ni sia én zéi'kan kawawaan niou i moho, sa kamu zéi'kan mengaléi wo mahpuasa.]”

Matius 23:15

Ikaléwo'la ni kamu sé tou tulap un Torat wo ni kamu sé sana réwok tou Farisi, é kamu sé tou mahgau-gau lé'os. Pahpaan ni kamu mahleweta un tasik wo mahliklik ang katanaan i menéro tou zozo' in esa uman ing kumiit um pa'émanen niou. I ni sia mahkiito um pa'émanen niou, ni sia winangun nioula maéndo tou si maiuntep witi naraka, si makazuamé ung kaléwo'an niou.

Matius 23:24

É kamu sé tonaas letok. Si rongit witu um pahelepen niou én ipahtia' niou, taan si onta ém pahno'noten niou umana.

Markus 16:9

In Duminggu im woondo, si Yesus i nimatoumomé sumaup, ni Sia kataré-taré é nimapailek un tou-Na wia si Maria tou Magdala. I makasa si Yesus é nimoho sé sétang pitu im wia ni sia.

Markus 5:9

Tumondong niitu si Yesus meligau wia ni sia, “Apa u ngarannu?” A sia mingkotla, “U ngaranku é Legion, pahpaan ni kai é lakez.”

Lukas 11:26

A si sétang itii matumawahmé sé sétang pitu walina sé lumouspé'mé ung kaléwo'. A sé sétang itii méyé a sumelazla wia si tou itii. Ing kamurian, u nimamuali wia si tou itii é luméwo'pé'mé i makasa.”

Efesus 6:12

Pahpaan ni kita i mahkoro' én zéi'kan mahsaru sé tou, taan mahsaru sé pa'opoen léwo' mahperénta wia ung kaayahan wo péléng ang kawasa a mahperénta sé roh léwo' itii. Ni kita kasii é mahkoro' mahsaru ang kawasa wana ang karimbengbengan im wia ung kaayahan kenu wo sé roh léwo' witi langit.

Ibrani 10:39

Ni kita én zéi'kan tanu sé tou timula'umoma ni Sia wo lamaléwo', taan ni kita én tou ma'éman wo maipilot im witu un ukuman wana a singkéla'.