Matius 12:44 - Taaz Weru Witu u Nunuwu'en Tombulu

⁴⁴ Ang kuana, ‘Ni aku é mawuri sumaup witi pinahento'angkumé i makasa.’ A sia mawurima sumaup a mailekenna um pinahento'annamé itii én zéi'kan siapa si mahento', weresi wo niimek.

Matius 12:44 ပူးပေါင်းရင်းမြစ်များ

Matius 12:29

Kura si tou mahuuntep um walé ni tou ketezen i makumahat a sangkumna, sa sia zéi'kampé' niapusnala? Si tou ketezen itii apusennapé'la wo taré sia toro kumahat am witu um walé itii.

Matius 12:43

Ang kuan ni Yesus, “Sa si sétang nimondolomé im wia si tou, si sétang itii é mahliklik wana ang kapelasan i menéro ento'an. Taan ni sia én zéi'kan méikailekla un ento'an.

Matius 12:45

A si sétang itii mondola, matumawahmé sé sétang pitu walina sé lumouspé'mé ung kaléwo'. A sé sétang itii méyé a sumelazla wia si tou itii. Ing kamurian, u nimamuali wia si tou itii é luméwo'pé'mé i makasa. Téntumo u mamuali wia sé tou léwo' in tarékan.”

Lukas 11:25

A sia mawurima witu. Mailekenna, um pinahento'annamé itii ém weresi wo niimek.

Yohanes 12:6

Niitu méikuanama zéi'kan pahpaan ni sia mahwéhé genang wia sé tou zéi'kan siapa apa, taan pahpaan ni sia é maremu'. Ni sia sekezé é mahéndo an zoit méilé'os wia ni sia.

Yohanes 13:2

I si Yesus wo sé pahtuzu'en-Na mahkan mahwali-wali, si tonaas né sétang éng kimewitoma ung genang léwo' witu un até ni Yudas Iskariot, si oki' ni Simon, i mangkér ni Sia wia sé kakoro'-Na.

Yohanes 13:27

I si Yudas nimakailekola u roti itii a si tonaas né sétang sumelazla wia ni sia. A si Yesus kumuala wia ni sia, “Apa um paaz im wangunennu, rewekenola i mangun niitu.”

1 Korintus 11:19

Pahpaan im wia ni kamu é léwo'zéi' wéwéhan sé mahéndo-éndoan, wo toro kata'uan séi si uli-ulit mahkiit si Opo Empung.

Efesus 2:2

In toro niitu ni kamu é menou-nou mengiit ang kinanaram né tou wia ung kaayahan, ni kamu mahtali-talinga sé roh léwo' mahkawasa witi langit, ni séramo sé roh mahkawasa witu un até né tou zéi'kan mahtali-talinga si Opo Empung.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.

1 Yohanes 4:4

É oki'ku! Ni kamu ém wia si Opo Empung a méyé wo ni kamu éng kimalamola sé nabi towo itii. Pahpaan si Roh si wiamo ni kamupé' si wangko', taan sé roh wia ung kaayahan.