Matius 12:41 - Taaz Weru Witu u Nunuwu'en Tombulu

⁴¹ Im witu un endo si Opo Empung in tumotoz ulit kaapa zéi'kan am pahwangunen né tou, sé tou Niniwe én itou sumaup karia né tou in tarékan wo kasii matumotoz ulit kaapa zéi'kan am pahwangunen néra. Pahpaan sé tou Niniwe én timula'ula a singkéla' néra in timalingala a méipahwoka' ni nabi Yunus, wo un ulitna si Tou si mahwali-wali karia niou in tarékan é lumouspé'mé si nabi Yunus!

Matius 12:41 ပူးပေါင်းရင်းမြစ်များ

Matius 12:39

Taan kuan-Na wia ni séra, “Sé tou in tarékan én tahlouso. Ni séra é mahaléi ni Aku i mapailek u makakompo'en, taan ni séra én zéi'kan papailekang-Ku um pahaléien néra, akaz uman u makakompo'en u nimamuali wia si nabi Yunus.

Matius 12:42

Witu un endo si Opo Empung in tumotoz ulit kaapa zéi'kan am pahwangunen né tou, si kolano wéwéné makangaran Syeba si witi wanua zou' witi timuh én itou sumaup karia né tou in tarékan wo ni sia kasii é matumotoz ulit kaapa zéi'kan am pahwangunen néra. Pahpaan ni sia ém witi pondol ung kaayahan a méyé i métumalinga ung katulapan ni Salomo, wo un ulitna si Tou si mahwali-wali karia niou in tarékan é lumouspé'mé si Salomo, taan ni kamu é soo tumalinga am pahkua-Na!”

Matius 12:45

A si sétang itii mondola, matumawahmé sé sétang pitu walina sé lumouspé'mé ung kaléwo'. A sé sétang itii méyé a sumelazla wia si tou itii. Ing kamurian, u nimamuali wia si tou itii é luméwo'pé'mé i makasa. Téntumo u mamuali wia sé tou léwo' in tarékan.”

Matius 12:6

Ikua-Kuma wia ni kamu: Im wia'i ém wéwéhan si lumousé ung kawangko'an um Walé ni Opo Empung.

Matius 16:4

Sé tou léwo' wo zéi'kan ezen in tarékan é mahaléi wia ni Aku i mapaileka u makakompo'en, un tumuzu'mé i ni Aku ém wia si Opo Empung a méyé. Taan ni séra én zéi'kan mahile-ilekla u makakompo'en, akaz uman u makakompo'en nimamuali wia si nabi Yunus.” Makakuama niitu, a séra itula'uma ni Yesus.

Matius 17:17

Ang kuan ni Yesus, “É kamu in tou zéi'kan ma'éman wo méikalulu. Makaz sawisa ni Aku i memali-mali karia niou? Makaz sawisa ni Aku i mezen wia ni kamu? Ipahwalimé wia'i si koki' itii!”

Matius 23:36

Uli-ulit ikua-Kuma wia ni kamu, péléng niia ém pengalin né tou in tarékan.”

Lukas 11:32

Im witu un endo itii kangkasii, sé tou Niniwe én itou sumaup karia né tou in tarékan i matumotoz ulit kaapa zéi'kan am pahwangunen néra. Pahpaan sé tou Niniwe én timula'ula a singkéla' néra in timalingala a méipahwoka' ni nabi Yunus, wo un ulitna, si Tou si mahwali-wali karia niou in tarékan é lumouspé'mé si nabi Yunus.”

Yohanes 3:31

Ni Sia si witi kasendukan a méyé é lumouspé'mé ung kawangko'an péléng né tou, taan ni sia si wia ung kaayahan a méyé én tou wia ung kaayahan wo mahkua tumoro a mahmuali wia ung kaayahan kenu. Ni Sia si witi kasendukan a méyé é lumouspé'mé ung kawangko'an péléng né tou.

Yohanes 4:12

Si Yakub ama' né nimaopo nai, niméhé um parigi kenu wia ni kai. Ni sia karia né oki'na é mengéngéndo zano pengengelepen néra im wia'i téntu kangkasii sé tatamun anuna. Apa pahgenangela ni Tuang i si Tuang lumousé si Yakub?”

Roma 2:27

Wo sé tou zéi'kan sinunat taan mahwangun a méipantik witu un ukum Torat, ni séramo sé matumotoz ulit kaapa zéi'kan am pahwangunen niou, sé makaanu un ukum Torat wo sinunat taan zéi'kan mahwangun un ukum Torat itii.

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.