Matius 12:38 - Taaz Weru Witu u Nunuwu'en Tombulu

³⁸ A sé woopira tou tulap un Torat wo sé sana réwok tou Farisi kumuama wia si Yesus, “Méster, ni kai ém paaz milek ni Ko i manguné u makakompo'en.”

Matius 12:38 ပူးပေါင်းရင်းမြစ်များ

Matius 12:37

Pahpaan ni ko én éndon ulit ni Opo Empung mengiit an ipahkuamu, wo ni ko kangkasii én ukumen mengiit an ipahkuamu.”

Lukas 11:16

Sé walina é mema'wa' si Yesus. Ni séra é mahaléi wia si Yesus i manguné u makakompo'en un tumuzu'mé wia ni séra ung kawasa ni Yesus én ulit méiwéhé ni Opo Empung.

Lukas 11:29

I si Yesus kinaréwokan né tou lakez, ang kuan-Na, “Sé tou in tarékan én tahlouso léwo'. Ni séra é mahaléi ni Aku i mapailek u makakompo'en, taan ni séra én zéi'kan papailekang-Ku um pahaléien néra, akaz uman u makakompo'en u nimamuali wia si nabi Yunus.

Yohanes 2:18

Sé tonaas né tou Yahudi é mahsaru si Yesus, ni séra mahkua, “Apa u makakompo'en un toro ipapailek-Mumé wia ni kai i mapailek ni Ko ém wéwéhan kawasa i mangun péléng niia?”

Yohanes 4:48

Kuan ni Yesus wia ni sia, “Sa kamu zéi'kan nimilek a makakompo'en, ni kamu én zéi'kan ma'éman.”

Yohanes 6:30

Niitumo ni séra mahkua wia ni Sia, “Apa u makakompo'en um wangunen-Nu un toro ileken nai, wo kai ma'éman wia ni Ko? Apa um paayangen-Nu?

1 Korintus 1:22

Sé tou Yahudi sa zéi'kampé' nimilek u makakompo'en ni séra én zéi'kan ma'éman, wo sé tou Yunani én zéi'kan ma'éman sa zéi'kan pinapata'uan mengiit ung katulapan né tou.