Matius 12:36 - Taaz Weru Witu u Nunuwu'en Tombulu

³⁶ Taan ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahwangunen né tou, ni séra é léwo'zéi' i makaulit wo mengali am wua'na péléng a méipahkuana an zéi'kan siapa torona.

Matius 12:36 ပူးပေါင်းရင်းမြစ်များ

Matius 10:15

Uli-ulit ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom wo Gomora u rorak taan un ukuman wia sé tou witu um wanua tua'na itii.”

Matius 11:22

Taan ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukumanpé' wia sé tou witi Tirus wo Sidon u rorak taan un ukuman wia ni kamu.

Matius 12:37

Pahpaan ni ko én éndon ulit ni Opo Empung mengiit an ipahkuamu, wo ni ko kangkasii én ukumen mengiit an ipahkuamu.”

Roma 14:12

Niitumo, ni kita péléng si esa wo si esa é mamingkot am peligauen ni Opo Empung tumoro am pinahwanguntamé.

Roma 2:16

Niitu én ikatuzu'mokané witu un endo i si Opo Empung, mengiité si Kristus Yesus, i matumotoz ulit kaapa zéi'kan péléng a méikawuni witu un até né tou, mengiit u Nuwu' Lé'os tumoro si Yesus u mémoipapata'uku wia sé tou.

Yakobus 3:6

U lila' kangkasii én tanu un api. Im witu un touta, péléng a léwo' ém witu u lila' a lumangkowa wana péléng un awakta. Niitu u mangun ni kita i mahmuali a léwo'. Pahpaan un api itii ém witi naraka a méyé u méluma'ung ung katou-touanta.

Wahyu 20:12

Ilekengkuma sé tou nimatémo, ni séra é sé tou pahsigi-sigi'en wo sé tou kanaramen, rimendai witu u sinaru u rurumezan ni Kolano itii. In toro niitu, péléng ang kitap ém winukama, am pinantikan péléng am pinahwanguné né tou. Am wukan kasiima ung kitap walina, ung kitap katou-touan. Sé tou nimatémo ém pahtotozen ulit kaapa zéi'kan am pinahlé'os néramé mengiit a mémoipantik wana ang kitap itii.