Matius 12:34 - Taaz Weru Witu u Nunuwu'en Tombulu

³⁴ É kamu sé suzu né ulé' melangu. Kura kamu toro mahkua am wangun taan am pahmualin niou é léwo'? Pahpaan um pahnuwu'mé ni tou é mahondolé witu un aténa.

Matius 12:34 ပူးပေါင်းရင်းမြစ်များ

Matius 12:35

Si tou lé'os é mahnuwu'mé am wangun a mahondolé im witu un aténa. Taan si tou léwo' é mahnuwu'mé a léwo' a mah- ondol kangkasiimé witu un aténa.

Matius 15:18

Taan u mondolé witu u sumah ém witu un até a méyé, wo niitumo u mahwangun si tou makati'tiren.

Matius 23:33

É kamu sé tou totoz léwo' sé tanumokan suzu né ulé' melangu! Kura kamu mapapilot un tou niou im witu un ukuman witi naraka?

Matius 3:7

Taan i niileknala lakez sé tou wia sé sana réwok tou Farisi wo Saduki niméyé i mekisarani, ang kuana, “É kamu sé suzu ni ulé' melangu. Séi si kimuala wia ni kamu i ni kamu én toro tumingkasé witu un upi' ni Opo Empung u méyé.

Lukas 3:7

Lakez sé tou niméyé wia si Yohanes i mekisarani. Ang kuana wia sé tou lakez itii, “É kamu sé suzu ni ulé' melangu. Séi si kimuala wia ni kamu wo toro tumingkasé witu un upi' ni Opo Empung?

Lukas 6:45

Si tou lé'os é mahnuwu'mé am wangun a mahondolé witu un aténa u mawuta-wuta am wangun. Wo si tou léwo' é mahnuwu'mé a léwo'an a mahondolé witu un aténa u mawuta-wuta a léwo'an. Pahpaan am pahnuwu'ennu é mahondolé witu un atému.”

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Efesus 4:29

Tia'mo a nunuwu'en saparuni mahondolé im witu u sumahmu. Taan mahnuwu' umané am wangun i sumawang sé tou walina i ni séra memandung a sasawang, wo sé tou timalingama u méipahnuwu'muma é makailek ung kamang.

Efesus 5:4

Téntu kangkasii ang kukuan saparuni, an zéi'kan siapa torona kaapa an uuwaken zéi'kan mata'u un adat, pahpaan an téntu én zéi'kan wangun. Taan tawimo ni kamu kumuala u makasé wia si Opo Empung.

Yakobus 3:2

Pahpaan ni kita péléng é lakez a sinala'. Séi si zéi'kan siapa sinala' im wana a nuwu'na, ni sia én tou wutulo, wo ni sia kangkasii é mata'u mahime-imek un touna.

1 Yohanes 3:10

Ang kenumo an tumuzu'mé sé oki' ni Opo Empung wo sé oki' ni tonaas né sétang: Péléng sé tou sé zéi'kan mahwangun ung kaulitan wo kangkasii sé zéi'kan rumaraaté sé katuari néra esa pa'émanen, ni séra én zéi'kan oki' ni Opo Empung.