Matius 12:30 - Taaz Weru Witu u Nunuwu'en Tombulu

³⁰ Séi si zéi'kan mahwali-wali karia-Ku, ni sia é mahsaru ni Aku. Wo séi si zéi'kan mahsawang ni Aku i mahréwok sé tou wo séra mahwali-wali karia-Ku, ni sia é mahsera sé tou.

Matius 12:30 ပူးပေါင်းရင်းမြစ်များ

Matius 12:29

Kura si tou mahuuntep um walé ni tou ketezen i makumahat a sangkumna, sa sia zéi'kampé' niapusnala? Si tou ketezen itii apusennapé'la wo taré sia toro kumahat am witu um walé itii.

Matius 6:24

Zéi'kan siapa si tou toro maayang wia sé zua tuang. Pahpaan sa téntu si esa é maikazi'zisna wo si walina én iraraaténa. Kaapa ni sia é mahtali-talinga wia si esa wo zéi'kan mahtali-talinga si walina. Ni kamu én zéi'kan mamuali i mahpaayang wia si Opo Empung wo karegas niitu mahpaayang wia si Mamon.”

Markus 9:40

Séi uman si zéi'kan mahsaru ni kita, ni sia éng kakariata.

Lukas 11:23

Séi si zéi'kan mahwali-wali karia-Ku, ni sia é mahsaru ni Aku. Wo séi si zéi'kan mahsawang ni Aku i mahréwok sé tou wo séra mahwali-wali karia-Ku, ni sia é mahsera sé tou.”

Lukas 9:50

Taan si Yesus mingkotla, kuan-Na, “Tia' pahséro'en niou sia, pahpaan séi si zéi'kan mahsaru ni kamu, ni sia én tou niou.”

Yohanes 11:52

Wo zéi'kan uman wia sé tahsasana wanua itii taan kangkasii i ruméwok wo mapaheesa sé oki' ni Opo Empung sé méikasera.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.