Matius 12:27 - Taaz Weru Witu u Nunuwu'en Tombulu

²⁷ Niitumo, sa ni Aku mahwoho sé sétang karia ung kawasa ni Beelzebul, karia ung kawasa ni séi sé pahtuzu'en niou i mahwoho sé sétang? Pahpaano niitu, sé pahtuzu'en niou sé tumuzumé sa an ipahtoké niou itii é simala'.

Matius 12:27 ပူးပေါင်းရင်းမြစ်များ

Matius 10:25

Sa si pahtuzu'en masuato wo si mésterna, niitu én toromo wo sa si ata masuato wo si tuangna, niitu én toromo. Sa si makawalé ém pahkuan im Beelzebul, apapé' kasii sé tou witu um walé itii.

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Matius 9:34

Taan sé tou wia sé sana réwok tou Farisi é mahkua, “Ni Sia é mahwoho sé sétang karia ung kawasa ni tonaas né sétang.”

Lukas 11:19

Niitumo, sa ni Aku mahwoho sé sétang karia ung kawasa ni Beelzebul, karia ung kawasa ni séi sé pahtuzu'en niou i mahwoho sé sétang? Pahpaano niitu, sé pahtuzu'en niou sé tumuzumé sa an ipahtoké niou itii é simala'.

Lukas 19:22

Ang kuana wia si tou itii, ‘Ni ko én ata léwo'! Ni ko én ukumengku mengiit a méikuamumé itii. Kata'uannumo sa ni aku én tou léwo', mengéngéndo un zéi'kan anuku wo mengungupu' an zéi'kan méitanemku.

Roma 3:19

Kata'uanta péléng a méipantik witu un ukum Torat é méiwéhé wia sé tou sé mahkiit un ukum Torat. Karia in téntu péléng a sumah é mapenes wo péléng sé wia ang kaayahan é maukumen ni Opo Empung.