Matius 12:26 - Taaz Weru Witu u Nunuwu'en Tombulu

²⁶ Téntu kangkasii sa sé sétang witi kakolanoan ni tonaas né sétang makahkoro', ni séra é makayo'.

Matius 12:26 ပူးပေါင်းရင်းမြစ်များ

Matius 13:19

Am watuna tatanemen méikagogo witi tembir u lalan é masuat wo sé tou timalingamo u Nuwu' tumoro ung Kakolanoan ni Opo Empung, taan ni séra én zéi'kan makatulap niitu, a méyé si tonaas né sétang kimahata u Nuwu' itii witu un até néra.

Matius 4:10

Taan kuan ni Yesus wia si tonaas né sétang, “É tonaas né sétang, mangémo ko im wia'i! Pahpaan wéwéhan u méipantik, ‘Ni ko é léwo'zéi' i mahongkot wo mahsigi' si Mahpiara, si Opo Empungmu wo ni Sia uman si pahragésannu.’ ”

Matius 9:34

Taan sé tou wia sé sana réwok tou Farisi é mahkua, “Ni Sia é mahwoho sé sétang karia ung kawasa ni tonaas né sétang.”

Yohanes 12:31

In tarékan én orasnamo si Opo Empung in tumotoz ulit kaapa zéi'kan am pahwangunen né tou wia ung kaayahan kenu, in tarékan kasii si Tonaas né sétang si mahkawasa wia ung kaayahan kenu éng kalan.

Yohanes 14:30

Zéi'mo lakez un ikua-Kuma wia ni kamu pahpaan si tonaas né sétang si mahkawasa wia ung kaayahan kenu é mahéyémo. Taan ni sia én zéi'kan siapa kawasa i merénta ni Aku.

Yohanes 16:11

Wo ni Sia kasii mapata'u i si Opo Empung én timotozo ulit kaapa zéi'kan am pahwangunen né tou, pahpaan si tonaas né sétang si mahkawasa wia ung kaayahan kenu é niukumo.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

Kolose 1:13

Ni Sia si nimilotomé ni kita im witu ung kawasa ni sétang si wana ang karimbengbengan wo ni Sia kangkasii nimahwali ni kita witi tampa sumena-sena', ung Kakolanoan ni Oki'-Na si ikararaaté-Na.

1 Yohanes 5:19

Kata'uanta i ni kita ém wia si Opo Empung a méyé wo ung kaayahan kenu éng kinawasa ni tonaas né sétang.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 16:10

Si malaekat kalima mamuwu'mé witu u rurumezan ing kolano ni binatang makaindé'en itii, u méitahu' witu un eelepan um wia ni sia. A marimbengbenga ung kakolanoan ni binatang itii, taka-takazan sé mahongkot wia si binatang itii é mahketep lila' pahpaan in totozo raraan.

Wahyu 9:11

Si kolano néra é si malaekat mahtéiz um woso um patéan. U ngaran ni kolano itii im witu u nunuwu'en Ibrani é ‘Abadon’, wo witu u nunuwu'en Yunani é ‘Apolion’, ung kalakoana é ‘Meléléwo'.’