Matius 12:14 - Taaz Weru Witu u Nunuwu'en Tombulu

¹⁴ A mondola sé sana réwok tou Farisi itii a mahesaala i munu' ni Sia.

Matius 12:14 ပူးပေါင်းရင်းမြစ်များ

Matius 26:4

Im witu, ni séra é nimeruz a maesaan in tumion si Yesus karia i mahwuni-wuni wo i munu' ni Sia.

Matius 27:1

I maayahmo, péléng sé tonaas né walian wo sé pahtutu'an né tou Yahudi nimaréwok wo nimaesaan i munu' si Yesus.

Markus 14:1

Zuana endomokan sé tou Yahudi é lumé'oso un endo mahpésta pahkuan Paskah wo i lumé'os un endo Roti Zéi'kan Rinagian. In toro niitu, sé tonaas né walian wo sé tou tulap un Torat é menéro-néro lalan in tumion si Yesus wo munu' ni Sia karia i mahwuni-wuni.

Markus 3:6

Sé tou im wia sé sana réwok tou Farisi mondolé im witu, a séra rengan i mahesaala karia né mahkii-kiit si kolano Herodes i mahwuwunu' si Yesus.

Lukas 22:2

Sé tonaas né walian karia né tou tulap un Torat é menéro-néro lalan kura wo séra toro munu' si Yesus karia i mahwuni-wuni, pahpaan ni séra é maindé' wia sé tou lakez.

Lukas 6:11

Taan sé tou tulap un Torat wo sé sana réwok tou Farisi én totoz maupi', a séra mahkuaala um wangunen néra wia si Yesus.

Yohanes 10:31

Makasapé' kasii sé tou Yahudi niméndomé watu i merit si Yesus.

Yohanes 10:39

Makasapé' kasii ni séra i mahtition ni Sia, taan ni Sia én zéi'kan kinationan néra.

Yohanes 11:53

Rengané in endo itii sé tonaas né tou Yahudi nimaesaan i munu' ni Sia.

Yohanes 11:57

Karegas niitu sé tonaas né walian wo sé sana réwok tou Farisi é nimeréntamoma sa wéwéhan si tou mata'u wisa Sia én ikuamé, wo Sia toro tionan néra.

Yohanes 5:18

Pahpaano niitu sé tonaas né tou Yahudi én totoz mahtututu' i munu' si Yesus, zéi'kan uman pahpaan ni Sia i simala'mola wana an tinotoz witu un endo Sabat, taan kangkasii pahpaan ni Sia ing kimua i si Opo Empung én Ama'-Na wo karia in téntu pinasuat-Namola un tou-Na karia si Opo Empung.

Yohanes 7:30

A séra mahtututu' in tumion ni Sia, taan zéi'kan siapa zozo' in esa si timiona wia ni Sia, pahpaan zéi'kampé' orasna.

Yohanes 7:32

Sé sana réwok tou Farisi mahtalinga sé tou lakez mahkekewitan tumoro si Yesus. Pahpaano niitu sé tonaas né walian wo sé sana réwok tou Farisi nimatuma sé menénéiz um Walé ni Opo Empung in tumion ni Sia.

Yohanes 7:44

Sé woopira im wia ni séra é mahtition ni Sia, taan zéi'kan siapa zozo' in esa si méikationa wia ni Sia.

Yohanes 8:59

A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.