Matius 11:28 - Taaz Weru Witu u Nunuwu'en Tombulu

²⁸ Méyémo wia ni Aku, péléng sé marawoi wo sé lakez am pengalin, ni kamu ém wéhang-Ku ung kaenaan.

Matius 11:28 ပူးပေါင်းရင်းမြစ်များ

Matius 11:29

Kumiitola um perénta-Ku tanumokan i masaan um pasangan méipasaan-Ku, wo mahtata'umé wia ni Aku, pahpaan ni Aku én eluz uman wo roros até, wo si rohmu é makailek ung kaenaan.

Matius 23:4

Ni séra nimangunla an tinotoz an totoz lakez an zéi'kan makawawa im wangunen. Tanumokan i niméhéla am pengalin totoz wutez wia sé tou, taan ni séra in esa é soo sumawang sé tou i mangun an tinotoz néra itii.

Yohanes 6:37

Péléng sé tou méiwéhé ni Ama' wia ni Aku é méyé wia ni Aku wo péléng sé méyé wia ni Aku, sé tou itii é sungkuleng-Ku.

Yohanes 7:37

Im witu un endo kamurian i mahpésta itii, un endo totoz ipahpuu-puuna im wana an endo mahpésta itii, si Yesus rumendaié wo mahkérét, “Séi uman si maré'o, méyémo wia ni Aku wo sia wéhang-Ku un elepen.

Kisah Rasul-rasul 15:10

Sa téntu, kaa ni kamu mema'wa' si Opo Empung karia i niméhéla um pengalin wia sé tou ma'éman itii, un zéi'kan kawawaanta wo né nimaopota?

Kisah Rasul-rasul 20:35

Im wana am péléng ni kamu ém winéhangkumoma ung kékéréan, karia i mahpaayang tanu niitu ni kita én toro sumawang sé tou susa. Ni kita é léwo'zéi' ing gumenang u méikua ni Yesus Mahpiara in téntii, ‘Si tou mahwéhépé' si mahpaa-paaz taan si tou pahwéhan.’ ”

Galatia 5:1

Pahpaan si Kristus si nimanguno ni kita in zéi'mo ata, ni kita én uli-ulit zéi'mo ata. Niitumo, enté-enté'en um pa'émanenta wia ni Sia, wo tia' iwaya niou un tou niou im pahata-atan sumaup un ukum Torat.

2 Tesalonika 1:7

Wo ni Sia é méhé ung kaenaan wia ni kamu sé mahpendan an zézéha wo kasii wia ni kai. Niitu é mamuali i si Yesus Mahpiara tumumpamé im witi kasendukan i mapailek un tou-Na karia né malaekat-Na sé mawuta-wuta ang kawasa wo karia un api melaya-layas.

Ibrani 4:1

Zozo' un taaz ni Opo Empung i muntep witi tampa makanaan-Na én zéi'kampé' méikana', taan mile-ilek wo tia' im wia ni kamu ém wéwéhan si pahgenangela in ikatula'u wo zéi'kan mata'u muntep witi tampa makanaan itii.

Wahyu 22:17

A si Roh ni Opo Empung wo si wéwéné kawéngen itii kumuamé, “Méyémo!” Wo séi uman si tumalingama niitu, iwayamola sia ing kumuala “Méyémo!” Wo séi si maré'o, iwayamola sia i méyé, wo séi si paaz melep, iwayamola sia i maméndomé un zano mahwéhémé ung katou-touan u méitambér umané.