Matius 10:7 - Taaz Weru Witu u Nunuwu'en Tombulu

⁷ Mangémo wo maiwoka'la: Ung Kakolanoan ni Opo Empung é lelezokan.

Matius 10:7 ပူးပေါင်းရင်းမြစ်များ

Matius 10:8

Lé'osela sé tou saki, itoumé sumaup sé tou nimatémo, lé'osela sé tou tinoro ang kusta wo iwohola sé sétang. Péléng ang kawasa itii é mémoitambér wia ni kamu, niitumo itambér kasiila niitu i sumawang sé tou walina.

Matius 11:1

I si Yesus nimakatuzu'mola wia sé mapulu' wo zua pahtuzu'en-Na, an itula'u-Namé um pahento'an-Na itii, i matumuzu' wo mahwoka' u Nuwu' Lé'os wia sé tou wana am wanua tua'na rété witu.

Matius 21:31

Sa mengiit ni kamu séi si nimangun ung kapaaz ni ama' néra?” A sé tonaas né tou Yahudi itii mingkotla, “Si oki' tu'a.” Ang kuan ni Yesus wia ni séra, “Uli-ulit ikua-Kuma wia ni kamu, sé menanagi am pajak wo sé wéwéné sangayapé' sé puuna i muntep witi Kakolanoan ni Opo Empung taan ni kamu.

Matius 21:43

Niitumo, ikua-Kuma wia ni kamu, péléng an tinotozo in iwéhé wia ni kamu im witi Kakolanoan ni Opo Empung ém pakaéndon im wia ni kamu wo maiwéhé sé tahsasana wanua walina sé makumiit am perénta-Na. [

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Matius 3:2

“Itula'umola a singkéla' niou, pahpaan ung Kakolanoan ni Opo Empung é lelezokan!”

Matius 4:17

Rengané in toro niitu si Yesus é mahwoka', “Itula'umola a singkéla' niou, pahpaan ung Kakolanoan ni Opo Empung é lelezokan!”

Markus 6:12

A séra mangé i mahwoka' wia péléng sé tou i ni séra é léwo'zéi' in tumula'ula a singkéla' néra.

Lukas 16:16

A méipantik witu un ukum Torat wo wana ang kitap né nabi ém pahpakémpé' makaz in oras ni Yohanes Menanarani i menou-nou. Rengané in toro niitu u Nuwu' Lé'os tumoro ung Kakolanoan ni Opo Empung én ipahwoka'mo wia sé tou wo péléng sé tou én totoz menutu' i maéndo tou witi Kakolanoan ni Opo Empung.

Lukas 9:2

Sé pahtuzu'en-Na é méiatu-Na mahwoka' wia sé tou tumoro ung Kakolanoan ni Opo Empung wo i lumé'os sé tou im wana a saki néra.

Lukas 9:6

Kumawusa niitu, sé pahtuzu'en ni Yesus mangé wana am wanua i mahwoka' u Nuwu' Lé'os ni Opo Empung wo mahlé'os sé tou saki.

Lukas 9:60

Ang kuan ni Yesus wia ni sia, “Iwayamola sé tou nimatémo i malumewengla sé nimatémo. Taan ni ko, mangémo wo maiwoka'la tumoro ung Kakolanoan ni Opo Empung.”

Yohanes 3:2

Ni sia niméyé wia si Yesus im wengimo ang kumua, “Méster, kata'uan nai ni Ko i niméyé é méiatumé ni Opo Empung i méster. Pahpaan zéi'kan siapa si tou toro mangun a makakompo'en tanu am pahwangunen-Nu itii sa zéi'kan kinaria ni Opo Empung.”

Kisah Rasul-rasul 10:25

I si Petrus mahuuntep witu um walé, a si Kornelius mésumungkul ni sia. Ni sia éng kimuruzla witu u sinaru ni Petrus a sumigi' wia ni sia.

Kisah Rasul-rasul 28:31

Karia in zéi'kan siapa si ikaindé' wo zéi'kan siapa a mahraung, si Paulus mahwoka' tumoro ung Kakolanoan ni Opo Empung wo tumoro si Yesus Kristus Mahpiara.

Kisah Rasul-rasul 4:2

Sé tou itii én totoz maupi' pahpaan si Petrus wo si Yohanes é mahtuzu' wia sé tou lakez wo mahwoka' i sé tou nimatémo én itou sumaup tanu si Yesus i méitoumé sumaup ni Opo Empung.