Matius 10:27 - Taaz Weru Witu u Nunuwu'en Tombulu

²⁷ A méikua-Ku wia ni kamu karia in ipahwuni-wuni é maipakaulitla wia sé tou. Wo a méipahkewit-Ku umanla wia ni kamu é maiwoka'la wia sé tou tanu im witu um wawo um walé wo mahwoka'.

Matius 10:27 ပူးပေါင်းရင်းမြစ်များ

Matius 24:17

Si tou witu um wawo um walé én tia'mo mahtutumpamé i maméndo am witu un untep um walé.

Lukas 12:3

Péléng an ipahwuni-wuni niou éng kata'uan né tou lakez. Péléng a méipahkewit niou wana a méikawuni én iwoka' wia sé tou tanu im witu um wawo um walé wo mahwoka'.”

Lukas 8:10

Ang kuan-Na, “Ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia sé tou walina én ipahtuzu' karia an aandéan. Karia in téntu, ‘zozo' ni séra mahilek, taan zéi'kan makana'u wo zozo' ni séra mahtalinga taan zéi'kan makatulap.’

Yohanes 16:1

Si Yesus mahkua, “Péléng niia én ikua-Kuma wia ni kamu, wo ni kamu zéi'kan mazéi' i ma'éman wia ni Aku.

Yohanes 16:13

Taan sa si Roh Kaulitan itii méyé, ni Sia é mahkit ni kamu i mata'u péléng ang kaulitan. Pahpaan ni Sia zéi'kan mahkua mengiit ung ginenang-Na in esa taan ni Sia é mahkua péléng an tinalinga-Na wia si Opo Empung, wo ni Sia éng kumua wia ni kamu a mamuali witu un endo tumondong.

Yohanes 16:25

Niia péléng én ikua-Kuma wia ni kamu karia un aandéan. Un orasna é méyé, i ni Aku zéi'mo mahkuama wia ni kamu karia u aandéan, taan makaulit wia ni kamu i mahkua tumoro si Ama'.

Yohanes 16:29

Ang kuan né pahtuzu'en-Na wia ni Sia, “Méster, in tarékan si Méster é makaulit i mahnuwu' wia ni kai wo zéi'mo mahkua karia u aandéan.

Kisah Rasul-rasul 17:17

Niitumo, im witi walé peraragésan né tou Yahudi ni sia simirita karia né tou Yahudi wo sé tou zéi'kan Yahudi sé maindé' si Opo Empung. Wo sekez in endo im witi pemamangkéran, ni sia mahsirita karia né séi uman sé ipasungkulna.

Kisah Rasul-rasul 5:20

“Mangémo, marumendaila witi lésaz um Walé ni Opo Empung wo iwoka'la wia sé tou lakez u nuwu' tumoro ung katou-touan weru itii.”

Kisah Rasul-rasul 5:28

Kuana, “Ni kamu én totoz sinéro' naimola i mahtuzu' karia u Ngaran itii. Taan sé tou wia péléng u Yerusalem én timalingamoma an tutuzu' niou. Wo ni kamu é mapahsasala' ni kai tumoro ung kinawalian ni Tou itii makaz i nimaté.”

2 Korintus 3:12

Pahpaan ni kai niméré' witu um pinataazan weru um wia si Opo Empung, niitumo ni kai én zéi'kan maindé' i mahwoka' u Nuwu' Lé'os tumoro si Yesus wia sé tou.