Matius 10:25 - Taaz Weru Witu u Nunuwu'en Tombulu

²⁵ Sa si pahtuzu'en masuato wo si mésterna, niitu én toromo wo sa si ata masuato wo si tuangna, niitu én toromo. Sa si makawalé ém pahkuan im Beelzebul, apapé' kasii sé tou witu um walé itii.

Matius 10:25 ပူးပေါင်းရင်းမြစ်များ

Matius 12:24

Taan i sé sana réwok tou Farisi timalingala niitu, kuan néra, “Ni Sia mahwoho sé sétang karia ung kawasa ni Beelzebul, si tonaas né sétang.”

Matius 12:27

Niitumo, sa ni Aku mahwoho sé sétang karia ung kawasa ni Beelzebul, karia ung kawasa ni séi sé pahtuzu'en niou i mahwoho sé sétang? Pahpaano niitu, sé pahtuzu'en niou sé tumuzumé sa an ipahtoké niou itii é simala'.

Matius 9:34

Taan sé tou wia sé sana réwok tou Farisi é mahkua, “Ni Sia é mahwoho sé sétang karia ung kawasa ni tonaas né sétang.”

Markus 10:39

A séra mingkotla, “Ni kai é makawawa!” A si Yesus kumuala wia ni séra, “Totoz ulit, ni kamu é mamendan an zézéha un tanumokan i melep witu un eelepan u léwo'zéi' in elepeng-Ku wo u sarani u léwo'zéi' ing kailekang-Ku.

Markus 3:22

Sé tou tulap un Torat sé witi Yerusalem a méyé é mahkua, “Ni Sia é sinelazan ni Beelzebul! Karia ung kawasa ni tonaas né sétang ni Sia mahwoho sé sétang.”

Lukas 11:15

Taan im wia sé tou lakez itii ém wéwéhan sé mahkua, “Ni Sia mahwoho si sétang éng karia ung kawasa ni Beelzebul, si tonaas né sétang.”

Lukas 11:18

Téntu kangkasii um witi kakolanoan né sétang sa sé sétang makahkoro' wo sé kasétang nérakan, tantumo ni séra é makayo'. Pahpaan ni kamu é mahkua i ni Aku é mahwoho sé sétang karia ung kawasa méiwéhé ni Beelzebul wia ni Aku.

Lukas 11:19

Niitumo, sa ni Aku mahwoho sé sétang karia ung kawasa ni Beelzebul, karia ung kawasa ni séi sé pahtuzu'en niou i mahwoho sé sétang? Pahpaano niitu, sé pahtuzu'en niou sé tumuzumé sa an ipahtoké niou itii é simala'.

Yohanes 10:20

“Ni Sia é sinelazan ni sétang wo pahléla'eno! Kaa kamu mahtalinga ni Sia?”

Yohanes 7:20

Sé tou lakez itii nimingkotla, “Sinelazan katu' Ko! Séi si mahtututu' i munu' ni Ko?”

Yohanes 8:48

Sé tonaas né tou Yahudi mingkotla wia si Yesus, “Ulito um pahkua nai i ni Ko én tou Samaria wo sinelazan.”

Yohanes 8:52

Kuan né tonaas né tou Yahudi wia ni Sia, “Kata'uan nai in tarékan ni Ko é sinelazan. Pahpaan si Abraham é nimatémoma wo téntu kangkasii sé nabi, taan ni Ko é mahkua: Séi uman si mahkiit u nuwu'-Ku, ni sia én zéi'kan maté makaz ing kauré-uré.