Matius 10:20 - Taaz Weru Witu u Nunuwu'en Tombulu

²⁰ Pahpaan zéi'kan ni kamu sé manumuwu', taan si Roh ni Ama' niou si manumuwu' mengiité ni kamu.

Matius 10:20 ပူးပေါင်းရင်းမြစ်များ

Matius 6:32

Péléng niana ém penéro-néron né tou sé zéi'kan mata'u si Opo Empung. Taan si Ama' niou si witi kasendukan é mata'u, i ni kamu é memandung niana péléng.

Markus 12:36

Si Daud in esa, i ni sia kinawasa ni Roh Lenas éng kimua in téntii: Si Opo Empung éng kimua wia si Tuangku: ‘Rumumezola witu ung kakan-Ku, makaz sé kakoro'-Mu iwéhé-Ku witu u léléék-Mu.’

Lukas 11:13

Niitumo, sa ni kamu sé léwo' é mata'u mahwéhé am wangun wia sé oki' niou, apapé' kasii si Ama' niou witi kasendukan! Ni Sia é méhé si Roh Lenas wia sé tou mahaléi wia ni Sia.”

Lukas 12:12

Pahpaan in toro niitukan, si Roh Lenas én tumuzu' wia ni kamu u léwo'zéi' in ikua niou.”

Lukas 21:15

Pahpaan ni Aku in esa si mapata'u wia ni kamu a nunuwu'en mawuta-wuta karia ang katulapan in iwingkot niou, wo sé kakoro' niou zéi'kan makawingkot um pahkua niou kaapa sumaru ni kamu.

Kisah Rasul-rasul 13:9

Taan si Saulus si pahkuan kangkasii im Paulus si kinawasa ni Roh Lenas é nimerena wia ni sia,

Kisah Rasul-rasul 2:4

A si Roh Lenas kumawasala wia ni séra péléng. Tumondong niitu, a séra méhé i mahnuwu' karia a nunuwu'en walina, mengiit a méiwéhémé ni Roh Lenas wia ni séra.

Kisah Rasul-rasul 28:25

Pahpaan im wia ni séra én zéi'kampé' maéndoan, a séra rengan mondolé im witu. Karegas séra mahondolé im witu, si Paulus kumuama ung kenu wia ni séra, “Totozo ulit u nuwu' méikuamé ni Roh Lenas wia sé nimaopota mengiité si nabi Yesaya,

Kisah Rasul-rasul 4:8

A si Petrus si kinawasa ni Roh Lenas mingkotla in téntii, “É kamu in tonaas wo pahtutu'an né tou Yahudi,

Kisah Rasul-rasul 6:10

Taan ni séra zéi'kan makawawa i mahzéi-zéi'an karia ung katulapanna wo si Roh Lenas nimangun si Stefanus makawawa i mahnuwu'ma wia ni séra.

2 Korintus 13:3

Pahpaan ni kamu mahaléi wia ni aku i mapailek un toro tumuzu'mé, sa um pahnuwu'engku ém wia si Kristus a méyé. Sa si Kristus mahpaayang wia ni kamu, ni Sia mahpaayang karia ung ketez wo ni Sia mapatuzu' ung kawasa-Na witu ung katou-touan niou.

1 Tesalonika 2:13

Wéwéhan kasii u nimangun ni kai zéi'kan kumana' i mahkua u makasé wia si Opo Empung, pahpaan i ni kai mahwoka'mé u Nuwu' ni Opo Empung wia ni kamu, ni kamu é simungkul u Nuwu' itii zéi'kan tanu u nuwu' um wia si tou a méyé, taan u Nuwu' um wia si Opo Empung a méyé. U Nuwu' itii én uli-ulit wia si Opo Empung a méyé, ung karegas i mahpaayang wia ni kamu in tou ma'éman.

1 Petrus 1:12

Sé nabi itii éng kinuaan sa am pahtata'un néra én zéi'kan méipapata'u in tumulung uman un tou néra in esa, taan in tumulung ni kamu. Sé nabi itii éng kinawasa ni Roh Lenas si witi kasendukan a méyé i mapata'u u Nuwu' Lé'os tumoro si Yesus wia ni kamu. A méipahtuzu' nérama itiimo ang kapaaz né malaekat im pahtata'un.

2 Petrus 1:21

Pahpaan zéi'kan kawisa a méikuamé ni Opo Empung wia sé nabi é nimamuali witu ung ginenang né tou, taan niitu é nimamuali pahpaan si Roh Lenas si kimawasa wia sé tou sé mahnuwu' u Nuwu' ni Opo Empung.