Matius 10:17 - Taaz Weru Witu u Nunuwu'en Tombulu

¹⁷ Taan mile-ilek im wia péléng sé tou. Pahpaan wéwéhan sé mayo ni kamu witi mahkama agama wo ni kamu kasii é masaluken néra witi walé peraragésan néra.

Matius 10:17 ပူးပေါင်းရင်းမြစ်များ

Matius 10:18

Wo pahpaan mahkiit ni Aku, ni kamu ém pahwali néra wia sé mahkawasa wo wia sé kolano ing kumua a niilek wo an tinalinga niou tumoro ni Aku wia ni séra wo wia sé tahsasana wanua sé zéi'kan mata'u si Opo Empung.

Matius 20:19

Ni Sia én iayo néra wia sé tou zéi'kan Yahudi i séro'an néra, saluken wo salipen, taan witu un endo katelu ni Sia én itou sumaup ni Opo Empung.”

Matius 23:34

Niitumo, ilekena! Ni Aku nimatumomé wia ni kamu sé nabi, sé tou lintas wo sé tou tulap un Torat. Sé woopira im wia ni séra ém wunu'en niou wo salipen niou, wo sé walina kasii é saluken niou wana am walé peraragésan niou in tou Yahudi wo pahkikiiten niou im witu um wanua tua'na esa makaz wana am wanua tua'na walina in zézéhan.

Matius 26:59

Sé tonaas né walian wo sé walina sé méikauntep witu u Mahkama Agama é menéro-néro tou sé kumua an towo tumoro an tinalinga wo niilek néra i sumaru si Yesus, wo Sia toro ukumen i maté.

Matius 5:22

Taan in tarékan ni Aku éng kumuama wia ni kamu: Séi uman sé maupi' wia si katuarina, ni sia é léwo'zéi' in ukumen. Séi si mahsalou si katuarina, ni sia é léwo'zéi' in isaru wia sé Mahkama Agama. Wo séi si mahkua si katuarina i letup, ni sia é léwo'zéi' in ilombo' witu un api naraka zéi'kan mahpaté.

Markus 13:12

Wéwéhan un orasna, si tou mayo si katuarina im wunu'en, téntu kangkasii, si ama' wia sé oki'na. Sé koki' é masumaru sé tu'a néra wo munu' ni séra.

Markus 13:9

Taan ni kamu én tuméga-tégamola! Ni kamu én iayo wia sé mahkama agama wo ni kamu kangkasii é masaluken witi walé peraragésan. Ni kamu é maisaru wia sé gubernur wo sé kolano pahpaan mahkiit ni Aku i makumua an tinalinga wo a niilek niou tumoro ni Aku.

Lukas 12:11

Sa wéwéhan tou mahwali ni kamu witu u sinaru né tonaas né tou Yahudi witi walé peraragésan né tou Yahudi, kaapa wia sé mahperénta wo sé mahkawasa, tia'mo ikaarét niou apa u léwo'zéi' in ikua niou wo kura ing kumelung un tou niou.

Yohanes 11:47

A sé tonaas né walian wo sé sana réwok tou Farisi tumawahmé sé tou méikauntep witu u Mahkama Agama i maréwok wo ni séra é mahkua, “Si Tou itii é nimanguno lakez makakompo'en, niitumo apa u léwo'zéi' im wangunenta?

Yohanes 16:2

Ni kamu én iwoho né tonaas né tou Yahudi im wana am walé peraragésan néra. Wo un orasna é méyé i si tou mahwuwunu' ni kamu é mahgenangla ni sia é mahpaayang wia si Opo Empung.

Kisah Rasul-rasul 17:14

Niitumo sé katuari esa pa'émanen witi Berea é rengan i nimatuma si Paulus i nimangé witi tembir un tasik. Taan si Silas wo si Timotius ém witipé' Berea.

Kisah Rasul-rasul 22:19

A ni aku mingkotla, ‘Tuang, kata'uan néra i ni akumo si mengunguntep wana am walé peraragésan né tou Yahudi i mahtion sé tou ma'éman wia ni Ko in iuntep witi bui wo mahsaluk ni séra.

Kisah Rasul-rasul 26:11

Ni aku kangkasii sekezé é mahzézéha ni séra im wana am walé peraragésan né tou Yahudi, wo menutu' ni séra ing kumélong um pa'émanen néra. Wo karia in totoz maupi', ni aku é mahkikiit ni séra, makaz wana am wanua tua'na walina.”

Kisah Rasul-rasul 9:2

i mahaléi um pinantik u méhémé kawasa wia ni sia im pahalin wia sé tonaas am walé peraragésan né tou Yahudi witi Damsyik. Wo sa sia ikailekla sé tuama kaapa wéwéné sé mahkiit an tutuzu' ni Mahpiara, ni séra én toro tionanna wo ipahwali witi Yerusalem.

Filipi 3:2

Mile-ilek im wia sé tou sé wangun im pahkuan asu. Mile-ilek im wia sé tou mahpaayang a léwo'an. Mile-ilek im wia sé tou sé mahtututu' i sumunat ni kamu mengiit un ukum Torat.

2 Timutius 4:15

Ni ko kangkasii é léwo'zéi' in tuméga-tégam im wia ni sia, pahpaan ni sia én totoz mahtututu' i mahsaru an tutuzu'ta.

Ibrani 11:36

Wéwéhan kasii sé pahséro'an wo pa'uliten im pahsaboken, niapus karia u ranté wo méiuntep bui.