Matius 10:15 - Taaz Weru Witu u Nunuwu'en Tombulu

¹⁵ Uli-ulit ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom wo Gomora u rorak taan un ukuman wia sé tou witu um wanua tua'na itii.”

Matius 10:15 ပူးပေါင်းရင်းမြစ်များ

Matius 12:36

Taan ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahwangunen né tou, ni séra é léwo'zéi' i makaulit wo mengali am wua'na péléng a méipahkuana an zéi'kan siapa torona.

Matius 5:18

Uli-ulit ikua-Kuma wia ni kamu! Kauré u langit wo ung kaayahan im wiapé', zéi'kan siapa zozo' ing kori' uman u méipantik witu un ukum Torat un zéi'en, sa péléng a méipantik itii zéi'kampé' nimamualima.

Matius 7:22

Im witu un endo kaakazan ung kaayahan, lakez sé matumawah ni Aku, ‘Tuang, Tuang, ni kai mahkua a méikua-Mumé karia u ngaran-Mu wo mahwoho sé sétang karia u ngaran-Mu wo ni kai kangkasii mahwangun a makakompo'en karia u ngaran-Mu.’

Markus 6:11

Taan sa wéwéhan sé soo sumungkul ni kamu wo soo tumalinga ni kamu, mondolé im witi tampa néra, itangkaré an awu witu un a'é niou, i mapagenang wia ni séra i si Opo Empung é mukum ni séra.”

Yohanes 12:48

Si tou soo ni Aku wo soo mahtalinga um pahkua-Ku ém wéwéhano si tumotoz ulit kaapa zéi'kan am pahwangunenna. A Nuwu' méipahkua-Ku, niitumo u matumotoz ulit kaapa zéi'kan um pahwangunenna im witu un endo kaakazan ung kaayahan.

Yohanes 6:39

Ung kenumo um paaz ni Opo Empung si nimatumé ni Aku: Wo im wia sé tou méiwéhé wia ni Aku, zéi'kan siapa zozo' in esa si ikaliong, taan ni Aku tumou sumaup ni séra im witu un endo kaakazan ung kaayahan.

Yohanes 6:40

Pahpaan niiamo um paaz ni Ama'ku: Wo péléng sé tou nimilek wo sé ma'éman si Oki' é makailek ung katou-touan makaz ing kauré-uré wo ni séra én itou-Ku sumaup im witu un endo kaakazan ung kaayahan.”

Kisah Rasul-rasul 17:31

Niimek-Namo un oras i métumotoz wo meneksek ni kita. Méituzu'-Na si Tou esa i maéndo menonotoz zéi'kan mahsanaweka im wia ni kita péléng. Wo totoz kata'uanta sa niana péléng é mamuali téntu, si menonotoz itii é nimaté a Sia itoumé sumaup ni Opo Empung im wia sé nimaté.”

1 Korintus 3:13

Im witu un endo si Opo Empung in tumotoz ulit kaapa zéi'kan am pahwangunen né tou, ung kawangunan um pinaayang ni esa wo ni esa é maikatuzu'. Pahpaan un endo itii é méyé karia un api wo un api itii un tumuzu'mé um pinaayang ni esa wo ni esa im wangun kaapa zéi'kan.

1 Tesalonika 5:4

Taan ni kamu, katuari-katuari, ni kamu én zéi'kan menou-nou witu ung karimbengbengan, taka-takazan i méyé un endo itii, ni kamu én zéi'kan mengompo' tanu si tou rinemu'an,

Ibrani 10:25

Tia' kita mahzou' im wana am pahréwokan mahwali-wali i mahragés wia si Opo Empung tanu ung kinanaram né tou walina, taan tawimo kita mahsésésaan am wangun pahpaan un endo si Yesus i mawurimé sumaup éng kaleleznamo.

2 Petrus 2:6

Téntu kangkasii i si Opo Empung nimukum um wanua tua'na Sodom wo ung Gomora. Lina'ung-Na am wanua tua'na itii i mapagenang wia sé tou, u mamuali wia sé tou in tumondong sé zéi'kan pandung ni Sia.

2 Petrus 2:9

Niana péléng an tumuzu'mé wia ni kita, i si Opo Empung é mata'u in tumulung sé tou sé mahkiit um paaz-Na, sa séra wana am pema'wa'en. Wo ni Sia kangkasii é mata'u i muntep sé tou léwo' witi bui in zézéhan witu un endo i ni Sia tumotoz am pinahmuali néramé,

2 Petrus 3:7

Taan karia u Nuwu'-Na, u langit wo ung kaayahan in tarékan én zéi'kan linéwo' karia un api. Im witumokan un endo ni Sia in tumotoz am pahwangunen né tou in ulit kaapa zéi'kan, ni Sia é luméwo' sé tou zéi'kan pandung ni Sia wo kasii luma'ung u langit wo ung kaayahan.

1 Yohanes 4:17

Im wana ang kenumo u raraatéan ni Opo Empung nimalekep witu ung katou-touanta, sa kita wuaya i ma'éman im witu un endo si Opo Empung in tumotoz ulit kaapa zéi'kan am pahwangunen né tou. Pahpaan tanu si Yesus Kristus, ni kita kangkasii ém wia ung kaayahan kenu.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.

Yudas 1:7

Téntu u nimamuali witi Sodom wo Gomora karia am wanua tua'na makaliklik witu. Am pahwangunen né tou wana é masuat wo am pahwangunen né malaekat itii, mahwangun a samek wo mahwuwutul uman a lelo léwo' un awak néra an zéi'kan tanu ang kinanaram. Ni séra péléng é niukum karia un api zéi'kan mahpaté-patéla i mapagenang wia péléng sé tou.