Matius 1:21 - Taaz Weru Witu u Nunuwu'en Tombulu

²¹ Ni sia én tumoumé si lowai wo ni Sia é ngaranannula Yesus, pahpaan ni Siamo si mamilot sé tou-Na im witu un ukuman wana a singkéla' néra.”

Matius 1:21 ပူးပေါင်းရင်းမြစ်များ

Matius 1:25

taan zéi'kan nimahteke-tekela kariana makaz si Maria in timoumé si lowai, a Sia ngaranala ni Yusuf i Yesus.

Lukas 1:13

Taan si malaekat itii éng kimuama wia ni sia, “Zakharia, tia'mo maindé'! Pahpaan um pengaléiennu én tinalingamoma ni Opo Empung. Si Elisabet mahayomu é makailek si lowai, wo si lowai itii é léwo'zéi' i ngaranannula Yohanes.

Lukas 1:31

Zéi'mo uré ni ko é mahawa-awako, wo makailek si lowai. Wo si lowai itii é léwo'zéi' ngaranannula, ‘Yesus’.

Lukas 2:11

Téntii u Nuwu' Lé'os itii, ‘In endo kenu é nimatoumomé witi wanua tua'na ni Daud, si Milot ni kamu im witu un ukuman wana a singkéla'. Ni Siamo si Kristus, si Mahpiara.’

Lukas 2:21

I si Lowai itii waluna endomo, a Sia sunaten. A Sia ngaranan nérala Yesus, u ngaran méikua ni malaekat wia si ina'-Na puunala i mahawa-awak ni Sia.

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Yohanes 4:42

A séra kumuala wia si wéwéné itii, “In tarékan ni kai ma'éman én zéi'kan uman pahpaan a méikuamu, taan pahpaan ni Sia si tinalinga naimo in esa wo kata'uan nai i ni Sia si uli-ulit milot sé tou wia ung kaayahan im witu un ukuman wana a singkéla'.”

Kisah Rasul-rasul 13:23

Niitumo, tanu u mémoitaaz ni Opo Empung, ni Sia é méléng si suzu ni Daud i milot sé tou Israel im witu un ukuman wana a singkéla' néra. Ni Siamo si Yesus.

Kisah Rasul-rasul 3:26

Niitumo, si Opo Empung ing kataré-taré én timoumé sumaup si Ata-Na an iatu-Nama i mangé wia ni kamu, wo ni Sia kumamang ni kamu karia i nimangun ni kamu timula'ula péléng a singkéla' niou, a mawuri sumaup wia si Opo Empung.”

Kisah Rasul-rasul 4:12

Akaz uman si Yesus si toro milot sé tou im witu un ukuman wana a singkéla', zéi'kan siapa ngaran walina. Pahpaan im wia ung kaayahan kenu, zéi'kan siapa ngaran walina si winéhan ni Opo Empung ung kawasa i milot sé tou im witu un ukuman wana a singkéla' néra.”

Kisah Rasul-rasul 5:31

Ni Sia si méirakék ni Opo Empung karia ung kawasa-Na é nimaéndo Memumuka lalan wo Memimilot sé tou im witu un ukuman wana a singkéla', wo sé tou Israel toro tumula'u a singkéla' néra wo makailek un ampungan.

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

1 Yohanes 1:7

Taan sa kita menou-nou witu un ayah tanu ni Sia ém witu un ayah, ni kita é nimaesa karia né tou walina, wo un zaha' ni Yesus, si Oki'-Na itii é meresi ni kita im wana a singkéla'ta.

1 Yohanes 3:5

Kata'uan niou, si Kristus i nimapailek un tou-Na i mézuméi' péléng a singkéla', wo im wia ni Sia én zéi'kan siapa a singkéla'.

Wahyu 7:14

Am wingkotengkula, “Zéi'kan ndo'tuu kata'uangku tuang, ni ko in esa si mata'u ni séra.” Ang kuana wia ni aku, “Ni séramo sé limangkoiomé wana an zézéha zéi'mo kakuaan. Wo karia un zaha' ni Anak ni Domba, ni séra kimemesoma ung karai tonton néra makaz nimakulo'.