Matius 1:19 - Taaz Weru Witu u Nunuwu'en Tombulu

¹⁹ Pahpaan si Yusuf mahayona én ulit witu u sinaru ni Opo Empung wo soo mapaiza-izang si mahayona witu saru-sarun né tou lakez, ni sia éng gimenango in tuma'sa si Maria karia i mahwuni-wuni.

Matius 1:19 ပူးပေါင်းရင်းမြစ်များ

Markus 10:4

Ang kuan néra, “Niénéan ni Musa si tuama in tuma'sa si mahayona karia i mangunla um pinantik in tima'samo.”

Markus 6:20

pahpaan si Yohanes ém pahsigi'en ni Herodes wo kata'uanna i si Yohanes én tou ulit wo linenas ni Opo Empung, niitumo si Herodes nimatuma sé touna i matuméiz si Yohanes. Pahpaan zozo' un aténa é nimalinganga i mahtalingamé un ipahkuamé ni Yohanes, taan ni sia é mahpaa-paaz i mahtalinga un ipahkuanamé.

Lukas 2:25

In toro niitu im witi Yerusalem ém wéwéhan si tou makangaran Simeon. Ni sia én tou ulit wo mahkiit uman am paaz ni Opo Empung wo mengento-ngento' un oras ni Opo Empung i milot sé tou Israel. Si Roh Lenas én totoz memali-mali kariana.

Kisah Rasul-rasul 10:22

A séra mingkotla, “Si Kornelius si tonaas né sana atus suraro Romawi, si ulit wo maindé' si Opo Empung wo kata'uan né tou i lé'os uman wia péléng sé tou Yahudi én tinuzu'anomé ni malaekat lenas in tumawah ni ko i mangé witi waléna, wo tumalinga an ikuamu wia ni sia.”

Kisah Rasul-rasul 27:39

Im woondomo, sé memamaayang witu u londéi tua'na nimileka ung katanaan patar, taan zéi'kan kata'uan néra u ngaran ung katanaan itii. A séra tumotozla i sumuwa' u londéi tua'na witu ung katanaan itii.

2 Korintus 1:15

Pahpaan totoz kata'uangku, ni kai é nimaéndo pahloo-looz niou, niitumo ni aku gimenang i mangé wia ni kamu wo ni kamu makailek makazuamé ung kamang méitambér ni Opo Empung.