Lukas 9:60 - Taaz Weru Witu u Nunuwu'en Tombulu

⁶⁰ Ang kuan ni Yesus wia ni sia, “Iwayamola sé tou nimatémo i malumewengla sé nimatémo. Taan ni ko, mangémo wo maiwoka'la tumoro ung Kakolanoan ni Opo Empung.”

Lukas 9:60 ပူးပေါင်းရင်းမြစ်များ

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Matius 8:22

A sia wingkotela ni Yesus, “Kumiitomé ni Aku wo iwayamola sé tou nimatémo i malumewengla sé nimatémo.”

Lukas 15:24

Pahpaan si oki'ku kenu én tanu a nimatémo a matoumé sumaup, si méikalulu éng kinailekanola sumaup.’ A séra péléng rengan i mahpaa-paaz.

Lukas 15:32

Niitumo ni kita ém wangun i mahpaa-paaz pahpaan si tuarimu én tanu nimatémo a matoumé sumaup, si méikalulu éng kinailekanola sumaup.’ ”

1 Korintus 9:16

Pahpaan, sa ni aku mahwoka' u Nuwu' Lé'os tumoro si Kristus, ni aku én zéi'kan wangun i lumooz un touku. Ni aku é léwo'zéi' maayang niitu, pahpaan si Opo Empung si nimatu ni aku i mahwoka' u Nuwu' Lé'os itii wia sé tou. Totoz ikaléwo' aku, sa aku zéi'kan mahwoka' u Nuwu' Lé'os itii.

Efesus 2:1

Puunala ni kamu i ma'éman, ni kamu én tanu nimatémo pahpaan a léwo'an wo a singkéla' niou.

Efesus 2:5

Pahpaan a siningkéla'ta, ni kita én tanu nimatémo. Taan ni kita é mémoitou sumaup ni Opo Empung karia ni Kristus. Niitu ém pahpaan uman ung kamang méitambér-Na i ni kamu méipilot im witu un ukuman wana a singkéla'.

1 Timutius 5:6

Taan si wéwéné mahesa-esamokan si menou-nou mengiit uman um paazna in esa, zozo' sia i menou-noupé' taan ni sia é masuatokan i nimatémo.

2 Timutius 4:2

Ipahwoka'la u Nuwu' ni Opo Empung, zozo' in endo wangun kaapa endo léwo', ni ko é mimekla i mangé mahwoka' u Nuwu' ni Opo Empung. Ipapata'ula ang kasumalaan, pahséro'ela wo pahsésaala sé tou karia péléng ung kaezenan wo an tutuzu' ulit.

2 Timutius 4:5

Zozo' in téntu, ni ko é léwo'zéi' i mahime-imek un toumu wo ezen im wana an zézéha, ipahwoka'la u Nuwu' Lé'os, wo paayangela a léwo'zéi' im paayangennu wia si Opo Empung.

Wahyu 3:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Sardis in téntii, ‘Kenumo a Nuwu'-Na, si makaanu sé pitu Roh ni Opo Empung wo timion sé pitu tototi'en. Kata'uang-Ku péléng am pinaayang niouo. Ni kamu ém pahkuan i menou-nou taan ndéén nimatémo.