Lukas 8:6 - Taaz Weru Witu u Nunuwu'en Tombulu

⁶ Am watuna tatanemen walina é méikagogoma witu un tana' watu-watun. Am watuna tatanemen itii én timoumé taan zéi'kan uré é nimaperamoma pahpaan zéi'kan siapa zano.

Lukas 8:6 ပူးပေါင်းရင်းမြစ်များ

Lukas 8:13

A méikagogo wana an tana' watu-watun é sé tou timalingama u Nuwu' ni Opo Empung a sumungkul niitu karia mahpaa-paaz taan zéi'kan nimahmut witu un até néra. Ni séra nima'éman taan zéi'kan nimauréma, i méyé um pema'wa'en, ni séra soomo ma'éman.

Lukas 8:5

“Wéwéhan si mengengeroz makimeroz am watuna tatanemen. Karegas sia i mahkeroz am watuna tatanemen, wéwéhan am watuna tatanemen méikagogoma witu un tembir u lalan, am watuna tatanemen itii ém pahkaléékana né tou wo sé tumétéwél mékimulat am watuna tatanemen itii makaz nimaapu.

Lukas 8:7

Am watuna tatanemen walina é méikagogoma witu un tana' an tinouan an zukut menulah. Tumoumé am watuna tatanemen itii wo maan an zukut menulah kasii é mahtou. Kauréna am watuna tatanemen mahtou itii é méisé'sé'la an zukut menulah akaz an tinanem itii nimaté.

Ibrani 3:15

Witu um Pinantik Lenas é méipantik in téntii, “In endo kenu, sa kamu tumalinga u nuwu' ni Opo Empung tia' ipahketéh un até niou tanu sé nimaopo niou i mahsaru ni Aku.”