Lukas 7:25 - Taaz Weru Witu u Nunuwu'en Tombulu

²⁵ Kaapa apa un angén niou wana? Mamilek si tou kimarai ung karai wangun? Si tou kimarai ung karai wangun é mahento' witi istana ni kolano.

Lukas 7:25 ပူးပေါင်းရင်းမြစ်များ

Matius 11:8

Kaapa apa un angén niou wana? Mamilek si tou kimarai ung karai wangun? Si tou kimarai ung karai wangun é mahento' witi istana ni kolano.

Matius 3:4

Si Yohanes éng kimarai ung karai tonton kulit ni onta am wangunen wo un embetna éng kawal ni binatang. Ang kakanenna é sé koropit wo a rarina' wana an talun.

Matius 6:29

taan ikua-Kuma wia ni kamu: Si Salomo im witu ung kawangko'anna, zéi'kan nimahkara-karaila tanu ung kawangun un esaané im wana am wunga itii.

Lukas 16:19

A si Yesus sumirita kasii un aandéan, kuan-Na, “Wéwéhan si tou wa'ilan si mahkara-karai ang karai tonton monong, un totoz wangun wo mahal. Sekez in endo ni sia éng kiit uman um paazna i mapailek ang kawa'ilananna.

Lukas 7:24

I nimawurimoma sé pahtuzu'en ni Yohanes, a si Yesus rengan mahnuwu' wia sé tou lakez witu tumoro si Yohanes. Kuan-Na, “Makumura kamu im witi kapelasan? Apa ni kamu mangé wana i mamilek si tou mahzua-zua genang, tanumokan ang kuhun mengogé-ngogé mahkii-kiit uman u reges?

Lukas 7:26

Makumura ni kamu i mangé wana? Mamilek si nabi? Ulit, wo ikua-Kuma wia ni kamu, si tou itii é lumouspé'mé si nabi.