Lukas 7:2 - Taaz Weru Witu u Nunuwu'en Tombulu

² Im witu ém wéwéhan si tonaas né sana atus suraro Romawi. Ni sia ém wéwéhan si ata totoz karaaténa. Si ata itii én totoz saki wo tawimo maté.

Lukas 7:2 ပူးပေါင်းရင်းမြစ်များ

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Lukas 23:47

I si tonaas né sana atus suraro nimilek a nimamuali, a sia mahlooz wo mahsigi' si Opo Empung, kuana, “Totoz ulit, si Tou kenu én zéi'kan siapa sinala'!”

Lukas 7:1

I si Yesus nimakanuwu'mola wia sé tou lakez itii, a Sia mangé witi Kapernaum.

Lukas 7:3

Ing kinatalingaala ni tonaas né suraro itii tumoro si Yesus, an iatunama sé woopira tu'a-tu'a né Yahudi i mangé wia si Yesus, mahaléi wia ni Sia i méyé witi waléna wo lumé'osé si ata itii.

Lukas 8:42

pahpaan si kooki'na si esa uman é saki wo tawimo maté. Ung katou-touan ni kooki' itii ém woo mapulu' wo zuana ta'uno. A si Yesus mangé witi walé ni Yairus. Karegas Sia i mahlampang, sé tou lakez é mahsésé'sé'an witu u rété-Na.

Kisah Rasul-rasul 10:1

Witi Kaisarea ém wéwéhan si tuama makangaran Kornelius. Ni sia én tonaas né sana atus suraro Romawi nginaranan Italia.

Kisah Rasul-rasul 10:7

I si malaekat si nimuwu'ma wia si Kornelius timula'umoma ni sia, an tawahenamé sé zua pahayoanna wo si suraro si mahtali-talinga wia si Opo Empung si sekezé memali-mali kariana.

Kisah Rasul-rasul 22:26

Kaitalingamé niitu, si tonaas né sana atus suraro itii é rengan i matimuzu' wia si tonaas néra. Kuana, “Pakagena-genangela lé'os um wangunen ni ama' wia si tou itii. Ni sia én tou Romawi.”

Kisah Rasul-rasul 23:17

A si Paulus tumawahmé si esaané im wia sé tonaas né sana atus suraro ang kumua wia ni sia, “Ipahwalima si tarétumou kenu wia si tonaas niou, pahpaan wéwéhan u léwo'zéi' maikua ni tarétumou kenu wia ni sia.”

Kisah Rasul-rasul 27:1

In tinotozola i ni kai é léwo'zéi' suméngkot mangé witi Italia, si Paulus wo sé woopira tou walina sé tinionan é méiayola wia si Yulius, si tonaas né sana atus suraro ni Kaisar.

Kisah Rasul-rasul 27:3

Masandomé, kai timulima witi Sidon. Si Yulius én totoz lé'os im wia si Paulus wo ni sia é niénéala ni Yulius i mangé mahilekan karia né kakariana wo séra toro méhémé am pemandungen ni Paulus.

Kisah Rasul-rasul 27:43

Taan si tonaas né sana atus suraro itii é siméro' ni séra i mangun ang ginenang néra, pahpaan ni sia ém paaz in tumulung si Paulus. Am peréntanama sé tou mata'u mengoyou i mahpuunama ing kumonta'ma witi tasik wo moyoua mangé witi katanaan.

Kolose 3:22

É kamu sé ata, mahtali-talingala wia sé tuang niou im wia ung kaayahan im wana péléng am péleng, tia' kamu mapailek i mahtali-talinga witu u sinaru néra uman i mangun ni séra mahpaa-paaz, taan mahtali-talingala wia ni séra karia ung genang lé'os pahpaan i maindé' si Mahpiara.