Lukas 6:22 - Taaz Weru Witu u Nunuwu'en Tombulu

²² Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Lukas 6:22 ပူးပေါင်းရင်းမြစ်များ

Matius 10:18

Wo pahpaan mahkiit ni Aku, ni kamu ém pahwali néra wia sé mahkawasa wo wia sé kolano ing kumua a niilek wo an tinalinga niou tumoro ni Aku wia ni séra wo wia sé tahsasana wanua sé zéi'kan mata'u si Opo Empung.

Matius 10:22

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.

Matius 10:39

Séi uman si mahkelung ung katou-touanna, ni sia éng kaliongan ung katou-touanna. Taan séi uman si kinaliongan ung katou-touanna pahpaan ni Aku, ni sia é makailek ung katou-touan makaz ing kauré-uré.”

Lukas 20:15

A sia ilombo' nérama méiondolé im witu un uma am wunu'en néra.” A si Yesus meligau, “In tarékan, apa um wangunen ni makauma wia sé mememendu un umana?

Lukas 21:17

wo maikazi'zis péléng né tou pahpaan mahkiit ni Aku.

Lukas 6:21

Mahpaa-paazola, é ni kamu sé in tarékan maharem, pahpaan ni kamu ém pakawesun. Mahpaa-paazola, é ni kamu sé in tarékan mahamé', pahpaan ni kamu éng kumé'ké'.

Yohanes 12:42

Zozo' in téntu, im wia sé tonaas né tou Yahudi é lakez kangkasii sé ma'éman wia si Yesus. Taan ni séra é soo kumua i ni séra é ma'éman wia ni Sia, pahpaan ni séra é maindé' wia sé sana réwok tou Farisi sé toro suméro' ni séra i muntep witu um Walé pahragésan né tou Yahudi.

Yohanes 16:2

Ni kamu én iwoho né tonaas né tou Yahudi im wana am walé peraragésan néra. Wo un orasna é méyé i si tou mahwuwunu' ni kamu é mahgenangla ni sia é mahpaayang wia si Opo Empung.

Yohanes 17:14

Ni Aku éng kimuamoma u nuwu' ni Ama' wia sé pahtuzu'eng-Ku, niitumo sé tou wia ung kaayahan kenu é mazi'zis ni séra pahpaan ni séra én zéi'kan masuat karia né tou wia ung kaayahan kenu sé zéi'kan ma'éman. Ni Aku kangkasii én zéi'kan masuat karia né tou wia ung kaayahan kenu.

Yohanes 7:7

Sé tou wia ung kaayahan én zéi'kan mamuali i mazi'zis ni kamu, taan ni Aku én ikazi'zis néra pahpaan ni Aku sekezé mahkua am pahwangunen néra é léwo'an.

Yohanes 9:34

Ang kuan néra wia ni sia, “Ni ko renganpé' i nimatoumé é lakezo a singkéla' wo ni ko mahtutuzu' ni kai?” A sia iwoho nérama i mondola.

Kisah Rasul-rasul 22:22

Sé tou lakez itii én tumalinga an ipahkua ni Paulus makaz witu un taré ikuanama itii. A séra rengan i mahkérét, “Wunu'enola si tou kenu! Ni sia én zéi'kan wangun i menou-nou!”

Kisah Rasul-rasul 24:5

Si tou kenu éng kinata'uan nai i siga' mahrikoka' tanumokan u saki melaput. Pahpaan péléng sé tou Yahudi wia ung kaayahan kenu ém pahrikoka'enna. Ni sia kangkasii én tonaas né tou sé mahkiit an tutuzu' ni tou Nazaret.

Kisah Rasul-rasul 9:16

Ni Aku in esa si mapata'u wia ni sia, an zézéha totoz lakez a léwo'zéi' im pendanenna pahpaan u ngaran-Ku.”

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

1 Petrus 3:14

Taan zozo' ni kamu i mendan an zézéha pahpaan i memangu-mangun an ulit, ni kamu é mahpaa-paazola. Tia'mo maindé' kaapa paharétan im wia sé mahzézéha ni kamu.