Lukas 5:4 - Taaz Weru Witu u Nunuwu'en Tombulu

⁴ I nimakatuzu'mola, ang kuan-Na wia si Simon, “Mangé witu ung karareman wo ilombo'ma u lolombo'mu i méndo seza'.”

Lukas 5:4 ပူးပေါင်းရင်းမြစ်များ

Matius 17:27

Taan, wo séra zéi'kan maupi', mangémo mamopasé witi louz. Éndoné si seza' kataré niopasmumé wo wukala u sumahna, witu u sumah ni seza' itii ém wéwéhan un zoit un toro iwaér um pajakta zua witi Walé ni Opo Empung. Éndoné an zoit itii wo maiwaéré wia ni séra um pajak-Ku wo um pajakmu.”

Lukas 5:5

A mingkotla si Simon, “Méster, simanawengi kai ma'ulit i mahpenéro seza' taan ni kai én zéi'kan méikailekla zozo' in esa, taan pahpaan si Méster si nimatu, u lolombo' kenu én ilombo'kukana.”

Yohanes 21:6

Ang kuan ni Yesus wia ni séra, “Ilombo'ma u lolombo' niou witu ung kakan u londéi, ni kamu é makailek seza'.” An ilombo' nérama u lolombo' witu ung kakan, pahpaan sé seza' én totoz lakez niitumo ni séra én zéi'kan makawawa i mahkéhongé u lolombo' itii.