Lukas 4:42 - Taaz Weru Witu u Nunuwu'en Tombulu

⁴² Masandomé i nimondolomé si endo, a si Yesus mangé witi tampa zéi'kan siapa tou. Taan sé tou lakez é mahpenéro ni Sia, a Sia kailekan nérala wo ni séra mahtututu' wo Sia zéi'kan tumula'u ni séra.

Lukas 4:42 ပူးပေါင်းရင်းမြစ်များ

Markus 1:45

Taan si tou itii masimirita u nimamuali itii wana am pahangéannamé. Niitumo, si Yesus zéi'kan mata'u muntep witi wanua tua'na tanu ung kanaramen. Ni sia é mahento'mokan witi ondolé um wanua tua'na wana an tampa zéi'kan siapa tou. Taan zozo' in téntumokan, sé tou sé woo wisa wo mahéyé én zéi'kan kumana' i mengéyé-ngéyé wia ni Sia.

Lukas 24:29

Taan ni séra mengimbali wia ni Sia karia i mahkua, “Mento'moma karia nai pahpaan wengindomo wo lelezokan muntep si endo.” A Sia muntepla i mento' karia néra.

Lukas 6:12

In toro niitu, si Yesus simosoza witu ung kimeleng i mamengaléi. Im witu ni Sia é simanawengi i mengaléi wia si Opo Empung.

Yohanes 4:34

Kuan ni Yesus wia ni séra, “Ung kakaneneng-Ku é mahwangun um paaz-Na si nimatumé ni Aku wo sumampet um paayangen-Na.

Yohanes 4:40

I sé tou Samaria itii méikaayomola wia si Yesus, ni séra é mahaléi wia ni Sia i mento'ma karia néra, a Sia mento' witu zuana endo.

Yohanes 6:24

Ing kinata'uanola né tou lakez i si Yesus wo sé pahtuzu'en-Na zéi'mo witu, sé tou itii é simakéma wana a londéi a séra mangé witi Kapernaum i menéro si Yesus.