Lukas 4:20 - Taaz Weru Witu u Nunuwu'en Tombulu

²⁰ Ang gulungela sumaup ni Yesus um Pinantik Lenas itii, an iwéhéla sumaup wia si mahpaayang witu, a Sia rumumezla. Wo péléng sé tou witu makatengteng wia ni Sia.

Lukas 4:20 ပူးပေါင်းရင်းမြစ်များ

Matius 26:55

A si Yesus kumuala wia sé tou lakez itii, “Pahgenangen nioula ni Aku én tou léwo' taka-takazan ni kamu nimahalimé am pisou wo am wéwélwél i métumion ni Aku? Sekez in endo ni Aku é rimumez wo mahtuzu' witi lésaz um Walé ni Opo Empung, taan ni Aku zéi'kan pahtitionan niou.

Matius 27:60

An izeta'nala un awak ni Yesus witu u lelewengan weru, u méikiarna witu ung kentur watu. Tumondong niitu an isoro'nama um watu tua'na in ipalot um wosona u lelewengan itii, a sia mangé.

Lukas 19:48

taan ni séra én zéi'kan méikailek lalan kura i mangun niitu, pahpaan péléng sé tou ém paaz wia ni Sia wo paaz tumalinga am pahtuzu'-Na.

Lukas 4:17

Ni Sia ém winéhanla um Pinantik Lenas um pinantik ni nabi Yesaya, am pitaren-Nala um Pinantik Lenas itii ang kailekan-Nala u méipantik in téntii,

Lukas 4:21

A Sia mahtuzu' ni séra, kuan-Na, “In endo kenu a nuwu' méipantik witu um Pinantik Lenas um binacama an tinalinga nioua ing kataré é nimamualimoma.”

Lukas 5:3

A si Yesus sumakéla witu u londéi. U londéi itii anu ni Simon. Ikua-Nala wia si Simon u londéi sinakéan-Na in izou'ma oki' im witu un tembir u louz. Sia rumumezla witu londéi itii a mahtuzu' sé tou lakez.

Yohanes 8:2

Masandonamé, woondopé' karengan ni Sia ém witimo lésaz um Walé ni Opo Empung wo lakez sé tou mahéyé wia ni Sia. Ni Sia rumumezla a mahtuzu' ni séra.

Kisah Rasul-rasul 16:13

In endo Sabat, ni kai nimondolé limangkoié u loloangan wanua tua'na. Ni kai nimahkiité un tembir u so'so'an an ikailekla un tampa pahpengaléian né tou Yahudi, pahpaan pahgenangen naila im witu ém wéwéhan un tampa itii. Im witu ni kai rimumezla a sumirita karia né wéwéné sé nimaréwok witu.

Kisah Rasul-rasul 3:12

I si Petrus nimileka sé tou lakez itii, a sia kumuala wia ni séra, “É kamu in tou Israel, kaa kamu mengompo' i nimileka un taré mamualima kenu? Kaa kamu mengile-ngileké wia ni kai tanumokan ni kai sé nimangun ni sia in toromo mahlampang pahpaan ung kawasa kaapa pahpaan ni kai sekezé é mahwangun ung kapaaz ni Opo Empung?