Lukas 24:25 - Taaz Weru Witu u Nunuwu'en Tombulu

²⁵ Ang kuan ni Yesus wia ni séra, “É ni kamu in tou lemou, tahlous ngerez un até niou i ma'éman péléng a mémoikuamé né nabi!

Lukas 24:25 ပူးပေါင်းရင်းမြစ်များ

Matius 26:24

Si Oki' ni Tou é maté tanu u méipantik tumoro ni Sia witu um Pinantik Lenas. Taan ikaléwo'la si tou nimayo si Oki' ni Tou. Tawimo si tou itii in zéi'kan méitoumé.”

Markus 16:14

Ing kamurian, si Yesus é nimapaileka un tou-Na wia sé mapulu' wo esa pahtuzu'en-Na, karegas séra i mahkan. Ni séra é sinéro'-Nala pahpaan ung kaketéhan un até néra wo pahpaan zéi'kan ma'éman wia sé tou nimilekomé ni Sia i nimatoumomé sumaup.

Markus 7:18

A Sia mingkotla, “Maan ni kamu én zéi'kan makatulap niitu? Zéi'kan kata'uan niou wé, sa apa uman a mahuntepa witu u sumah ni tou én zéi'kan mahwangun si tou i makati'tiren,

Markus 9:19

Ang kuan ni Yesus wia ni séra, “É kamu sé tou zéi'kan ma'éman, makaz sawisa ni Aku léwo'zéi' i mento' mahwali-wali karia niou? Makaz sawisa ni Aku léwo'zéi' i mezen wia ni kamu? Ipahwalimé wia'i si koki' itii!”

Lukas 24:24

Timalingamé niitu, woopira im wia sé kakaria nai é nimangémomé witi lelewengan itii. Maileken néra é masuat wo u méikua né wéwéné itii taan si Yesus én zéi'mo niilek néramé.”

Yohanes 5:39

Ni kamu sekezé é mahtata'u um Pinantik Lenas pahpaan ni kamu mahgenangla im witu ni kamu toro mata'umé kura i makailek ung katou-touan makaz ing kauré-uré. Zozo' in téntu, witu um Pinantik Lenas itii én tumuzu'mé tumoro ni Aku.

1 Korintus 15:3

Pahpaan un totoz ipahpuu-puuna ung kinailekangku é mémoipapaayokuma wia ni kamu, i si Kristus é nimatémo pahpaan a singkéla' pahwangunenta. Niitu é mémoipantik witu um Pinantik Lenas,