Lukas 22:32 - Taaz Weru Witu u Nunuwu'en Tombulu

³² Taan ni Aku é nimengaléio ni ko wo um pa'émanennu zéi'kan mazéi'. Wo sa ko mawurimomé sumaup wia ni Aku, ni ko é léwo'zéi' i menté' um pa'émanen né katuarimu.”

Lukas 22:32 ပူးပေါင်းရင်းမြစ်များ

Matius 18:3

Ang kuan-Na, “Uli-ulit ikua-Kuma wia ni kamu, sa kamu zéi'kan tumula'ula a singkéla' niou wo maéndo tanu si koki' kenu, ni kamu én zéi'kan ikauntep witi Kakolanoan ni Opo Empung.

Matius 26:75

Ang kagenangala ni Petrus u méikua ni Yesus wia ni sia, “Puunala si laka' ing kumukuké, ni ko é nimakatelumola ing kimélong ni Aku.” A sia mondola a mamamé' karia in totoz rumara un até.

Markus 14:72

In toro niitukan ang kumukuké ing kazua si laka'. Ang kagenangala ni Petrus u méikua ni Yesus wia ni sia, “Puunala si laka' kumukuké ing kazua, ni ko é makatelumo ing kimélongla ni Aku.” A si Petrus mamamé' karia i sindekokan.

Markus 16:7

Niitumo in tarékan mangémo, maikuala wia sé pahtuzu'en-Na, wo wia si Petrus in téntii, ‘Ni Sia é nimapuunamoma i nimangé witi Galilea. Im wana ni kamu é milek ni Sia tanu u mémoikua-Na wia ni kamu.’ ”

Lukas 8:13

A méikagogo wana an tana' watu-watun é sé tou timalingama u Nuwu' ni Opo Empung a sumungkul niitu karia mahpaa-paaz taan zéi'kan nimahmut witu un até néra. Ni séra nima'éman taan zéi'kan nimauréma, i méyé um pema'wa'en, ni séra soomo ma'éman.

Yohanes 14:19

Zéi'mo mauréma sé tou wia ung kaayahan kenu én zéi'mo milek ni Aku. Taan ni kamu é mamilek ni Aku, pahpaan ni Aku é menou-nou wo ni kamu kangkasii é mamenou-nou.

Kisah Rasul-rasul 3:19

Niitumo, itula'umola a singkéla' niou wo kumiitola si Opo Empung. Karia in téntu, a singkéla' niou ém pali'en ni Opo Empung.

Roma 8:32

Si Opo Empung én zéi'kan sume'sel si Oki'-Na in esa taan si Oki'-Na itii é méiwéhé-Na wia ni kita péléng, kura kahuman ni Sia zéi'kan tumambéré péléng am péléng wia ni kita karia ni Oki'-Na itii?

Roma 8:34

Si Kristus Yesus si nimaté wo méitou sumaup im wia sé nimaté an irumez witu ung kakan ni Opo Empung, si Kristus itiimo si masumawang ni kita i mamengaléi wia si Opo Empung.

2 Timutius 2:18

An tutuzu' kaulitan ém pahséa' néramo. Ni séra é mahtuzu' i sé tou nimatémo é méitoumomé sumaup ni Opo Empung. Karia in téntu, an tutuzu' néra itii é mahkayo' um pa'émanen né tou walina.

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

Ibrani 12:15

Mile-ilekla wo zéi'kan siapa zozo' in esa im wia ni kamu si kinaliongan ung kamang tatambér ni Opo Empung. Pahpaan sa wéwéhan si téntu, ni sia é maéndo tanu tinanem melangu un toro lumangu sé tou lakez wo mangun sé tou lakez maléwo'.

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

1 Petrus 1:1

Um pinantik kenu ém pinantikku, Petrus si aatu ni Yesus Kristus, iwéhé wia sé tou mahlepu-lepu wo méikasera im wia sé tou zéi'kampé' mata'u si Opo Empung sé witi tana': Pontus, Galatia, Kapadokia, Asia oki' wo Bitinia.

1 Petrus 1:13

Niitumo, imekela ung genang niou i maayang am wangun, tuméga-tégam wo mahéré' uman witu ung kamang tatambér ni Opo Empung un iwéhé-Na wia ni kamu witu un oras si Yesus Kristus i mawurimé sumaup.

1 Petrus 1:5

Péléng niitu én iwéhé wia ni kamu sé penaté-natéren karia ung kawasa ni Opo Empung pahpaan ma'éman wia ni Sia. Ni Sia é menaté-natér ni kamu, akaz ni kamu ipilot im witu un ukuman wana a singkéla'. Niitu é niimek-Na wia ni kamu witu ung kaakazan ung kaayahan.

2 Petrus 3:14

Niitumo katuari-katuari ikararaatéku, karegas ni kamu i ma'ento' niana péléng i mamuali, ni kamu é léwo'zéi' mahtututu' i menou-nou totoz weresi wo zéi'kan siapa pahséro'an witu u sinaru ni Opo Empung, wo mahlé'o-lé'osan karia-Na.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.