Lukas 2:33 - Taaz Weru Witu u Nunuwu'en Tombulu

³³ Kaitalingamé u méikuamé ni Simeon tumoro si Koki' néra itii, si Yusuf wo si Maria é mengusi-ngusingsing.

Lukas 2:33 ပူးပေါင်းရင်းမြစ်များ

Matius 12:46

I si Yesus mahnuwu'pé' wia sé tou lakez itii, a méyé witu si ina' wo sé katuari-Na. Ni séra é rimendai witi lésaz wo mahtututu' i mahilekan karia ni Yesus.

Matius 8:10

Kaitalingamé u méikuamé ni tonaas né suraro itii, si Yesus é mengusi-ngusingsing ang kumuama wia sé tou mahkii-kiit ni Sia, “Uli-ulit ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu.

Lukas 2:18

Péléng sé tou é mengusi-ngusingsing in timalingala a sirita né memimiara domba itii.

Lukas 2:48

Kaiileka ni Sia, si ama' wo si ina'-Na é mengompo'. Ang kuan ni ina'-Na wia ni Sia, “Tolé, kaa téntu um pahwangunen-Nu wia ni kai? Si ama'-Mu wo si ina'-Mu én totozo paharétan i menéro ni Ko.”

Lukas 20:26

Ni séra én zéi'kan makawawa mahwewetes si Yesus im wana an nunuwu'en-Na, witu u sinaru né tou lakez. Ni séra mengusi-ngusingsing in timalingamé u méiwingkot-Namé wo mokankapenesla.

Lukas 9:43

Péléng sé tou é mengusi-ngusingsing i nimilek ung kawangko'an ung kawasa ni Opo Empung. Im péléng sé tou itii mengusi-ngusingsingpé' pahpaan nimilek am winanguna ni Yesus, kuan-Na wia sé pahtuzu'en-Na,