Lukas 19:30 - Taaz Weru Witu u Nunuwu'en Tombulu

³⁰ Kuan-Na, “Mangémo witi wanua pahsaruna kenuma. I mawanala, ni kamu é mamilek si keledai peranggang méitapik wo si keledai itii én zéi'kampé' pinahsaké-sakéala né tou. Owarané si keledai itii wo pahaliné wia'i.

Lukas 19:30 ပူးပေါင်းရင်းမြစ်များ

Matius 21:2

Kuan-Na wia ni séra, “Mangémo witi wanua pahsaruna kenuma. I mawanala ni kamu é milek si keledai mezéi si méitapik wo si anakna witu u réténa. Owarané sé keledai zua itii wo pahaliné wia ni Aku.

Lukas 19:29

I merétémoma um Betfage wo Betania um witi kentur pahkuan kentur Zaitun, a si Yesus matuma sé zua pahtuzu'en-Na.

Lukas 19:31

Sa wéwéhan si meligau wia ni kamu, ‘Kaa niowaran nioué si keledai itii?’ Wingkoten umanla in téntii, ‘Si keledai kenu ém pemandungen ni Tuang.’ ”

Lukas 19:32

A mangé sé méiatuma itii, maileken néra én tanu a méikua ni Yesus.

Yohanes 14:29

In tarékan én ikua-Kuma wia ni kamu puunala niitu i mamuali, wo sa niitu mamualima, ni kamu é ma'éman.