Lukas 19:21 - Taaz Weru Witu u Nunuwu'en Tombulu

²¹ Ni aku é maindé' wia si tuang pahpaan si tuang én tou léwo'. Si tuang é mahéndo un zéi'kan anu ni tuang wo mengungupu' un zéi'kan méitanem ni tuang.’

Lukas 19:21 ပူးပေါင်းရင်းမြစ်များ

Lukas 19:20

Méyé si ata walina ang kumua, ‘Tuang, kenu un zoit mas ni tuang, méilé'osku witu u léso.

Lukas 19:22

Ang kuana wia si tou itii, ‘Ni ko én ata léwo'! Ni ko én ukumengku mengiit a méikuamumé itii. Kata'uannumo sa ni aku én tou léwo', mengéngéndo un zéi'kan anuku wo mengungupu' an zéi'kan méitanemku.

Roma 8:15

Pahpaan si Roh ni Opo Empung si kinailekan niou én zéi'kan nimangun ni kamu nimaéndo ata makaz nimangun ni kamu kinaindé'ampé', taan si Roh ni Opo Empung si kinailekan niou é nimangun ni kamu maéndo oki' ni Opo Empung. Karia ni Roh ni Opo Empung itii ni kita én toro tumawah si Opo Empung, “O Abba, o Ama'ku!”

Roma 8:7

Si tou mahgenang um paaz un awakna in esa é makahkoro wo si Opo Empung. Pahpaan si tou itii én zéi'kan mahtali-talinga an tinotoz-Na wo ni sia én zéi'kan mamuali i mahtali-talinga an tinotoz-Na.

2 Timutius 1:7

Pahpaan si Opo Empung én zéi'kan niméhémé wia ni kita si roh iindé'en, taan si roh si mahwangun ni kita in enté', rumaraaté si kasuat tou wo toro mahime-imek un tou.

Yakobus 2:10

Séi uman si mahkiit péléng un ukum itii, taan zéi'kan mahwangun un esaané im witu, si tou itii é simala'mola wana péléng un ukum itii.

1 Yohanes 4:18

Im witu u raraaté én zéi'kan siapa an ikaindé'. Pahpaan u raraaté nimalekep é moho an ikaindé'. Witu u maindé' ém wéwéhan un ukuman, wo séi si wéwéhan un ikaindé', u raraatéanna én zéi'kan lekep.

Yudas 1:15

Ni Sia é métumotoz ulit kaapa zéi'kan am pinahwanguné né tou wo mémukum sé tou léwo' pahpaan a léwo'an pahmualin néra wo péléng a nuwu' zéi'kan wangun an ipahkua né tou mahsingkéla' itii wia si Opo Empung.”