Lukas 17:30 - Taaz Weru Witu u Nunuwu'en Tombulu

³⁰ Téntumo a mamuali witu un endo i si Oki' ni Tou mapailek un tou-Na im woosawisa.

Lukas 17:30 ပူးပေါင်းရင်းမြစ်များ

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 24:3

Tumondong niitu, a si Yesus mangé witi kentur Zaitun. Im witu si Yesus rimumezla, a méyé sé pahtuzu'en-Na i mésumirita karia-Na, kuan néra, “Méster, ikuamé wia ni kai sawisa u méikua-Mumé itii mamuali, wo apa un tumuzu'mé ni Ko i mawurimé wo an tumuzu'mé ung kaakazan ung kaayahan?”

Matius 24:37

Pahpaan kuramo u nimamuali witu un oras ni Nuh, téntumo u mamuali i si Oki' ni Tou i mawurimé sumaup im woosawisa.

Matius 24:39

un zéi'kan kata'uan néra, makaz un ampuhan limeneua ni séra a séra maapuma, téntumo a mamuali i si Oki' ni Tou méyé sumaup im woosawisa.

Matius 26:64

A si Yesus mingkotla, “Ni ko éng kimuamomé niitu, taan ikua-Kuma wia ni kamu, rengan in tarékan ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”

Markus 13:26

In toro niitu, sé tou é milek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

Lukas 17:24

Pahpaan kuramo un tila'pong i sumena'mé witi langit u mahsena' nimapalambo'ma witu um pondol kasaru makaz wana am pondol walina, téntumo u mamuali witu un endo si Oki' ni Tou i méyé.

Lukas 17:29

Taan i si Lot mondolé im witi Sodom an tumumpamé im witi langit un uzan api wo walélang u nimangun péléng ni séra nimaté.

Lukas 21:22

Niitumo un orasna i si Opo Empung méhé un ukuman wo péléng a mémoipantik witu um Pinantik Lenas é malekep.

Lukas 21:27

In toro niitumo péléng sé tou é mamilek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

1 Korintus 1:7

Pahpaano niitu, péléng an tatambér ni Roh Lenas ém wiamo ni kamu, karegas ni kamu i ma'ento' si Yesus Kristus Mahpiarata i mawurimé sumaup.

1 Korintus 1:8

Si Yesus Kristus Mahpiarata kangkasii é sumawang ni kamu wo um pa'émanen niou éng kaenté'na makaz witu un endo kaakazan ung kaayahan, wo im witu un endo itii i ni Sia méyé sumaup, ni kamu én zéi'kan siapa a sinala'.

Kolose 3:4

Si Kristus si mahwéhémé ung katou-touan wia ni kita. I ni Sia méyé sumaup wia ung kaayahan, ni Sia ém pa'ileken péléng né tou, ni kamu kangkasii é mapa'ileken né tou wo makailek u sigi' wo u looz karia-Na.

2 Tesalonika 1:7

Wo ni Sia é méhé ung kaenaan wia ni kamu sé mahpendan an zézéha wo kasii wia ni kai. Niitu é mamuali i si Yesus Mahpiara tumumpamé im witi kasendukan i mapailek un tou-Na karia né malaekat-Na sé mawuta-wuta ang kawasa wo karia un api melaya-layas.

1 Petrus 1:13

Niitumo, imekela ung genang niou i maayang am wangun, tuméga-tégam wo mahéré' uman witu ung kamang tatambér ni Opo Empung un iwéhé-Na wia ni kamu witu un oras si Yesus Kristus i mawurimé sumaup.

1 Petrus 1:7

Wana am pema'wa'en itiimo toro ikatuzu'mé sa ni kamu uli-ulit ma'éman wia ni Sia kaapa zéi'kan. Um pa'émanen niou itiipé' u mahal taan u mas un toro uman maléwo'. U mas é léwo'zéi' in tunumpé'la i mahtata'u sa niitu wangun kaapa zéi'kan. Um pa'émanen niou wia ni Sia é lumouspé'mé niitu, u léwo'zéi' im wa'wa'en wo niitu maenté'. Karia in téntu ni kamu é loozen wo sigi'en im witu un oras si Yesus Kristus i mawurimé sumaup.

1 Petrus 4:13

Taan, ni kamu é mahpaa-paazola, pahpaan an zézéha itii én tanu an zézéha pinahpendané ni Kristus. Karia in téntu, i si Kristus méyé sumaup wo mapailek ung kawangko'an-Na, ni kamu én toro mahpaa-paaz makaz i mahkonta-konta'.

1 Yohanes 2:28

Niitumo in tarékan, é kamu sé oki'ku, ni kamu é léwo'zéi' i menou-nou nimaesa karia ni Kristus, wo sa Sia méyémo sumaup im witu un endo itii, ni kita én zéi'kan maindé' wo zéi'kan maizang wia ni Sia.

1 Yohanes 3:2

Katuari-katuari ikararaatéku, in tarékan ni kita én oki' ni Opo Empung, taan zéi'kampé' kata'uanta u mamuali wia ni kita. Taan kata'uanta sa si Kristus mapailekomé un tou-Na, ni kita é maéndo tanu ni Sia. Pahpaan ni kita é mamilek un ulitna ung katou-touan-Na.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.