Lukas 12:20 - Taaz Weru Witu u Nunuwu'en Tombulu

²⁰ Taan kuan ni Opo Empung wia ni sia, ‘É ko in tou lemou! Im wengi kenukan, ung katou-touannu én éndon im wia ni ko. Séi si wéhannu péléng a rinéwokmu itii?

Lukas 12:20 ပူးပေါင်းရင်းမြစ်များ

Lukas 11:40

Ni kamu én totoz lemou! Si Opo Empung si nimangun a liklik wo péléng um witu un tou niou.

1 Tesalonika 5:3

Wéwéhan un orasna sé tou ing kumua in téntii, ‘Ung katou-touanta én ena' wo zéi'kan siapa ikaindé'.’ Taan kumompo'mé ni séra é mendan u meléwo' tanumokan si wéwéné mahawa-awak, si kumompo'mé é mahpendano u rumara in tumoumo si oki'na. Zozo' in esa zéi'kan siapa si tinalez.

1 Timutius 6:17

Ipapagenangla wia sé tou wa'ilan wia ung kaayahan kenu in tia' loozan wo tia' mahéré' wana an zéi'kan mata'u éré'an tanu ung kawa'ilanan. Taan ni séra é mahéré'mola wia si Opo Empung wana ang kawa'ilanan-Na, si mahwéhémé péléng am péléng in toro kaipian.

1 Timutius 6:7

Pahpaan kita i nimatoumé wia ung kaayahan kenu én zéi'kan nimahalimé apa. Téntu kangkasii sa kita matéma, ni kita én zéi'kan mahalima apa.

Yakobus 4:14

taan zéi'kan kata'uan niou apa u mamuali i sando wo makura ung katou-touan niou. Ung katou-touan niou itii é masuat wo u semu, un zéi'kan uré in ilekena a mazéi'ma.