Lukas 11:49 - Taaz Weru Witu u Nunuwu'en Tombulu

⁴⁹ Niitumo, totoz tulap si Opo Empung ing kimua, ‘Iatu-Ku sé nabi wo sé aatu-Ku i mangé wia sé tou Israel. Taan im wia sé nabi wo wia sé aatu-Ku, wéwéhan sé mazézéhan néra wo wéwéhan sé winunu' néra.’

Lukas 11:49 ပူးပေါင်းရင်းမြစ်များ

Matius 22:6

Wo sé walina én timion uman taréla sé ata itii, an zézéhan, a munu'la ni séra.

Lukas 11:48

Karia ni kamu i nimanguna a lelewengan né nabi, pahkuan niou sé nimaopo niou i nimunu' sé nabi itii én ulit.

Lukas 24:47

Witu u ngaran-Na kangkasii um wowoka' tumoro un tumula'ula a singkéla' wo i si Opo Empung zuméi' a singkéla' én totoz maiwoka'la wia péléng sé tahsasana wanua, rengané witi Yerusalem.

Yohanes 16:2

Ni kamu én iwoho né tonaas né tou Yahudi im wana am walé peraragésan néra. Wo un orasna é méyé i si tou mahwuwunu' ni kamu é mahgenangla ni sia é mahpaayang wia si Opo Empung.

Kisah Rasul-rasul 1:8

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

Kisah Rasul-rasul 11:27

In toro niitu, sé woopira nabi witi Yerusalem é niméyé witi Antiokhia.

Kisah Rasul-rasul 22:20

Téntu kangkasii i si Stefanus si mahkua a niilekna wo tinalingana tumoro ni Ko im winunu'. Ni aku ém witu wo um winangun néra itii é niénéangku. Wo ni aku kangkasii si timéiz wana ang karai néra i ni séra nimunu' ni sia.’

Kisah Rasul-rasul 7:57

Tumalingamé niitu, sé tou witu é rengan i mengéré-ngérét karia i nimalotla a lunteng néra. Ni séra nimahwalima ing kimara'ma i matumion si Stefanus.

Kisah Rasul-rasul 8:3

Taan si Saulus é mahtututu' i mahzézéi' sé jamaat itii. Sé tuama wo sé wéwéné ém pahkéhongennamé wo ipahondolé im wana am walé wo séra ipahayonama in iuntep witi bui.

1 Korintus 1:24

Taan im wia sé tou tinawah ni Opo Empung, séra in tou Yahudi kaapa séra in zéi'kan tou Yahudi, si Kristus si tumuzu'mé ung kawasa wo ung katulapan ni Opo Empung.

1 Korintus 1:30

Si Opo Empung si nimangun ni kamu nimaesa karia ni Kristus Yesus wo si Kristus Yesus nimangun ni kita makailek ung katulapan ni Opo Empung. Ni kita nimaéndo ulit im witu u sinaru ni Opo Empung, nimaéndo tou linenas ni Opo Empung wo timubus ni kita.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

Kolose 2:3

Mengiité si Kristus ni kita én toro mata'umé péléng ang katulapan wo ang kata'uan ni Opo Empung un im puuna é méikawunipé'.

Wahyu 16:6

Ni séra é nimunu'mo sé tou ni Opo Empung wo sé nabi, ni séra kasii ém winéhan-Numola un zaha' in elepen. Un ukuman itii um wangun im wia ni séra!”

Wahyu 18:20

Mahpaa-paazola é kamu sé witi kasendukan, ni kamu sé tou ni Opo Empung, sé aatu wo sé nabi, pahpaan am winangun néra wia ni kamu, sé tou witu um wanua tua'na itii é niukummoma ni Opo Empung!