Lukas 10:37 - Taaz Weru Witu u Nunuwu'en Tombulu

³⁷ Si tou itii mingkoté, “Si tou Samaria si nimapailek u raraatéanna wia si tou itii.” Ang kuan ni Yesus wia ni sia, “Ulit u méikuamumé! Niitumo mangémo wo mamangunla tanu niitu.”

Lukas 10:37 ပူးပေါင်းရင်းမြစ်များ

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Matius 23:23

Ikaléwo'la ni kamu sé tou tulap un Torat wo ni kamu sé sana réwok tou Farisi, é kamu sé tou mahgau-gau lé'os. Pahpaan ni kamu é mahwéhé u sana pahpulu' wia si Opo Empung im witu u solasi, adas tombal wo jintan. Taan un totoz ipahpuu-puuna im witu un ukum Torat én zéi'kan winéhan niou genang tanu: un zéi'kan mahsanaweka, u raraatéan wo u mahtali-talinga wia si Opo Empung. Un esa é léwo'zéi' im wangunen, wo am walina ém pahwéhanla genang.

Lukas 10:36

A si Yesus meligau, “Sa ikiit ni ko, im wia sé tou telu itii é séi si pahkuan ing kasuat tou ni tou winélwélé né tou léwo' itii?”

Lukas 10:38

I si Yesus wo sé pahtuzu'en-Na mahlampang, a séra ikaayola witu um wanua. Im witi wanua itii ém wéwéhan si wéwéné makangaran Marta, a séra sungkulena ni wéwéné itii witi waléna.

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.

Efesus 5:2

wo menou-noula karia i mahraa-raatéan tanu si Kristus Yesus rimaraatémo ni kamu. Ni Sia nimayomo un tou-Na wia ni kita, nimaté witu u salip i maéndo tanu u raragés wo sé tatamun kineriz in ipahragés a mahwou tariis, u nimangun un até ni Opo Empung mahpaa-paaz.

1 Petrus 2:21

Ni kamu én tinawah-Namé i mahwangun a lé'os zozo' in zézéha. Pahpaan si Kristus kangkasii é nimazézéhamé pahpaan ni kamu wo timula'umoma ung kékéréan ing kiitan niou.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,