Kolose 3:7 - Taaz Weru Witu u Nunuwu'en Tombulu

⁷ Im puuna ni kamu kangkasii é menou-nou mahwangun an téntu i ni kamu kinawasapé' am paaz wia ung kaayahan itii.

Kolose 3:7 ပူးပေါင်းရင်းမြစ်များ

Roma 7:5

Pahpaan im puuna ni kita i menou-nou é mahkiitpé' um paaz in tou uman, u lelo i mahwangun a léwo'an ung kimawasa witu un awakta. Kata'uanta niitu é singkéla' pahpaan sinéro' un ukum Torat. Pahpaan i mahwangun niitu ni kita makailek um patéan.

1 Korintus 6:11

Sé woopira im wia ni kamu im puuna é mahlé'os an téntu. Taan in tarékan ni kamu wineresimo im wana a singkéla' niou, ni kamu é linenas ni Opo Empung wo winangun-Na ni kamu ulit witu u sinaru-Na. Niana péléng ém winangun-Na pahpaan ni kamu nimaesamo karia ni Yesus Kristus si Mahpiara wo karia ung kawasa ni Roh ni Opo Empungta.

Efesus 2:2

In toro niitu ni kamu é menou-nou mengiit ang kinanaram né tou wia ung kaayahan, ni kamu mahtali-talinga sé roh léwo' mahkawasa witi langit, ni séramo sé roh mahkawasa witu un até né tou zéi'kan mahtali-talinga si Opo Empung.

Kolose 2:13

Ni kamu kangkasii, im puuna in zéi'kampé' ma'éman én tanu nimatémo pahpaan a siningkéla' wo pahpaan zéi'kan sinunat witu un awak, taan in tarékan ni kamu é méitoumomé sumaup ni Opo Empung karia ni Kristus, kumawusa si Opo Empung i niméhéla ampungan wana a singkéla'ta,

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.