Kolose 2:14 - Taaz Weru Witu u Nunuwu'en Tombulu

¹⁴ wo ziméi'la an utang mémoikapantik a léwo'zéi' im waérenta, a mahindé' wo mukum ni kita pahpaan zéi'kan kawawaanta i maér. Si Opo Empung ziméi'la an utangta i nimakula um pinantikan an utangta itii witu u salip.

Kolose 2:14 ပူးပေါင်းရင်းမြစ်များ

Lukas 1:6

Sé sana séndé' kenu ung katou-touan néra é mahkiit ung kapaaz ni Opo Empung wo karia un ulit ni séra é mahkiit péléng am perénta wo an tinotoz ni Opo Empung.

Kisah Rasul-rasul 3:19

Niitumo, itula'umola a singkéla' niou wo kumiitola si Opo Empung. Karia in téntu, a singkéla' niou ém pali'en ni Opo Empung.

Kolose 2:20

Ni kamu én tanu nimatémo karia ni Kristus, wo mémoipiloté im witu ung kawasa né roh léwo' wia ung kaayahan, kaa kamu kinawasapé' a léwo'an wia ung kaayahan? Kaa kamu menou-nou mahkiitpé' an tinotoz né wia ung kaayahan, in téntii:

2 Tesalonika 2:7

Si tou totoz léwo' itii é mahpaayango karia i mahwuni-wuni, taan wéwéhampé' u nimokal ni sia. Taan sa u nimokal ni sia niéndomoma,

Ibrani 7:18

Toromokan kuala an tinotoz im puuna é zinéi'mo pahpaan an tinotoz itii zéi'mo enté' wo zéi'mo siapa torona.

Ibrani 8:13

I si Opo Empung mahkua tumoro um pinataazan weru, ni Sia nimangun um pinataazan puuna én tewuhmo. Wo apa un tu'amo wo tewuhmo é mamomazéi'.

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.