Kolose 1:29 - Taaz Weru Witu u Nunuwu'en Tombulu

²⁹ Niitumo um pahtututu'engku wo pa'ulitengku im paayangen karia péléng ung ketez u méiwéhémé mengiité ung kawasa ni Kristus u ma'ulit mahpaayang witu un touku.

Kolose 1:29 ပူးပေါင်းရင်းမြစ်များ

Lukas 13:24

Am wingkotela ni Yesus, “Mahtututu'la i muntep kumiit um pepenet pesut itii! Pahpaan ikua-Kuma wia ni kamu, lakez sé tou mahuuntep kumiit um pepenet itii taan sé zéi'kan ikauntep.

Roma 15:20

Un toro ipahloo-loozku i ni aku é nimahwoka'mé u Nuwu' Lé'os itii wana an tampa zéi'kampé' mata'u si Kristus. Ni aku é soo in tumerusokan am paayangengku witi tampa pinahwokaané né tou walina, tanumokan si tou rumendai um walé witu un to'tolan winangun né tou walina.

Roma 15:30

Pahpaan ni aku nima'esamo karia ni Yesus Kristus si Mahpiarata wo karia u raraatéan ni Roh Lenas, ni aku mahaléi wia ni kamu katuari-katuari wo kita enté' i mahmengaléi mahwali-wali tumoro ni aku wia si Opo Empung.

1 Korintus 12:11

Péléng an tatambér itii é méiwéhé ni Roh Lenas. Si Roh Lenas itii én esa uman zéi'kan siapa walina. A méitambér wia si esa wo si esa é nimahwali-walinaan mengiit ung kapaaz ni Roh Lenas.

1 Korintus 12:6

Wo kasii lakez am paayangen, taan si niméhé ung ketez wia si esa wo si esa i makawawa maayang niana én esa uman. Ni Siamo si Opo Empung.

1 Korintus 15:10

Taan si Opo Empung timambéré ung kamang wia ni aku makaz ni aku in tarékan é niéndo aatu ni Yesus, makaz ung kamang méitambér-Na wia ni aku ém wéwéhan torona. Lumouspé'mé niitu, im wia sé aatu-Na, ni aku si totoz nima'ulit i mahpaayang taan sé aatu walina. Taan am pinaayangku itii, zéi'kan pahpaan ung ketezku in esa, taan pahpaan ung kamang méitambér ni Opo Empung wia ni aku makaz ni aku makawawa i maayang am paayangen itii.

2 Korintus 11:23

Ni séra é mahkua i ni séra én aatu ni Kristus? Ni aku é lumouspé'mé ni séra! (Ni aku i mahkua téntu én tanumo si tou pahléla'en). Ni aku i mahpaayang é lumouspé'mé um pakahpaayang néra. Ni akupé' si makalakez méiuntep bui taan ni séra. Ni akupé' si makalakez sinaluk taan ni séra. Ni aku makalakez én tawimo maté.

2 Korintus 13:3

Pahpaan ni kamu mahaléi wia ni aku i mapailek un toro tumuzu'mé, sa um pahnuwu'engku ém wia si Kristus a méyé. Sa si Kristus mahpaayang wia ni kamu, ni Sia mahpaayang karia ung ketez wo ni Sia mapatuzu' ung kawasa-Na witu ung katou-touan niou.

2 Korintus 5:9

Niitumo, ni kai im wiapé' un awak nai wia ung kaayahan kenu kaapa im witumo un awak weru witi kasendukan, ni kai é mahtututu' i sekezé é mahwangun si Mahpiara i mahpaa-paaz.

2 Korintus 6:5

im pahwélwélen, im binui wo pahléndongan né tou lakez, i ma'ulit mahpaayang, in zéi'kan mahtekel wo in zéi'kan mahkan.

Efesus 1:19

wo kamu toro mata'u ung kawasa-Na én totoz wangko' wia ni kita sé ma'éman. Ung kawasa itii éng kaenté'an ni Opo Empung un totoz wangko'

Efesus 3:20

Karia ung kawasa-Na un uli-ulit mahpaayang witu un touta, si Opo Empung én toro mangun totoz lumakezpé'mé am pahaléienta wo ang ginenangta.

Efesus 3:7

Ung kenumo u Nuwu' Lé'os un iwoka'ku wia ni kamu. Si Opo Empung timambér ung kamang wia ni aku i ni aku mahwoka' u Nuwu' Lé'os itii. Ung kamang itii éng kinailekangku mengiité ung kawasa-Na u mahpaayang witu un atéku.

Filipi 1:27

Un totoz ipahpuu-puuna in tarékan, pahpaan ni kamu é ma'émano wia si Kristus, ung katou-touan niou é léwo'zéi' i masuat karia an tutuzu' ni Kristus mengiit u Nuwu' Lé'os tumoro ni Sia. Karia in téntu sa aku mangémé, ni aku én toro mileké, kaapa sa aku zéi'kan mangémé wia ni kamu, ni aku én tumalinga i ni kamu én esa genang, nimaesaan i mahtututu' mahwoka' u Nuwu' Lé'os tumoro si Kristus, enté' um pa'émanen, wo ni kamu mahwali-wali i mahtututu' mahwoka' u Nuwu' Lé'os tumoro si Yesus Kristus wia sé tou wo séra toro ma'éman.

Filipi 1:30

Ni kamu é nimileko ni aku i nimazézéha rengan im puuna wo makaz in tarékan ni kamu é mahtalingapé'ma i ni aku é nimazézéhapé'. Ni aku é nimazézéha pahpaan i mahtututu' mahwoka' u Nuwu' Lé'os tumoro si Kristus. Téntu kangkasii, ni kamu é mahtututu' i mahwoka' u Nuwu' Lé'os tumoro si Kristus, niitumo ni kamu kangkasii é nimazézéha tanu an zézéha pahpendanengku.

Filipi 2:13

Si Opo Empung si mahpaayang witu un até niou i mangun ni kamu ing kumiit wo maayang ang kapaaz-Na.

Filipi 2:16

Ni kamu én tumio-tion witu u Nuwu' ni Opo Empung u mahwéhémé ung katou-touan. Karia in téntu, im witu un endo si Yesus Kristus i mawurimé sumaup, ni aku én toro mahpaa-paaz. Ni aku én toro mahpaa-paaz pahpaan um pinaayangku wo um pahtututu'engku ém wéwéhan torona.

Kolose 2:1

Pahpaan kapaazku ni kamu mata'ula, i ni aku én totozo nima'ulit mahpaayang i sumawang ni kamu in jamaat witi Kolose wo sé witi Laodikia, wo wia péléng sé tou zéi'kampé' nimahile-ilekala kariaku.

Kolose 2:12

Pahpaan i ni kamu sinarani, a singkéla' niou én tanu mémoileweng karia ni Kristus; wo karia i sinarani kangkasii ni kamu é mémoitoumé sumaup wo nimakailek ung katou-touan weru mahwali-wali karia ni Kristus, pahpaan ni kamu é ma'éman ung kawasa ni Opo Empung si timoumé sumaup si Kristus im wia sé nimaté.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

1 Tesalonika 2:9

Katuari-katuari, kagenangan nioupé'la kura kai in totoz mahtututu' wo ma'ulit i mahpaayang. Endo wo wengi ni kai mahpaayang i mahwuwutul am pemandungen nai. Karia in téntu, ni kai én zéi'kan maéndo pengalin niou i mahtuzu' u Nuwu' Lé'os ni Opo Empung wia ni kamu.

2 Tesalonika 3:8

Ni kai kasii én zéi'kan kawisa kimanla an tikohon anu né tou walina wo zéi'kan winaér. Taan ni kai én totoz mahtututu' i mahpaayang endo wengi, wo ni kai zéi'kan maéndo pengalin im wia ni kamu.

2 Timutius 2:10

Niitumo, ni aku én ezen i nimasaan an zézéha pahpaan sé tou pinéléng ni Opo Empung, wo séra toro ipilot im witu un ukuman wana a singkéla' mengiité si Kristus Yesus, karia u sigi' wo looz makaz ing kauré-uré.

Ibrani 12:4

Pahpaan ni kamu i mahtututu' mahsaru a singkéla', ni kamu én zéi'kampé' méikaayoma witu u nimazézéha akaz nimaté simaroi un zaha'.

Ibrani 13:21

Mengalé-ngaléi uman si Opo Empung é sumawang ni kamu i mangun péléng am wangun mengiit un ikapaaz-Na, wo maayang witu ung katou-touanta i mangun ni Sia mahpaa-paaz, mengiité si Yesus Kristus. Wia si Kristus uman u sigi' wo looz makaz ing kauré-uré! Amin.

Wahyu 2:3

Ni kamu én ezen wo nimazézéha pahpaan ni Aku wo ni kamu én zéi'kan mahgenang u rawoi.