Kolose 1:25 - Taaz Weru Witu u Nunuwu'en Tombulu

²⁵ Ni aku é méiatumo ni Opo Empung i mahpaayang wia sé jamaat, mengiit um paayangen méiwéhé-Na wia ni aku ing kumua péléng a Nuwu'-Na wia ni kamu.

Kolose 1:25 ပူးပေါင်းရင်းမြစ်များ

1 Korintus 3:5

Séi wé si Apolos? Séi wé si Paulus? Ni kai é méiatu uman ni Opo Empung i sumawang ni kamu wo toro ma'éman wia si Kristus. Ni kai é maayang uman a méiatu ni Opo Empung wia si esa wo si esa.

1 Korintus 9:17

Sa aku mahwoka' u Nuwu' Lé'os tumoro si Kristus pahpaan um paazku uman, ni aku é léwo'zéi' i makailek um wawaér. Taan ni aku i nimangun niitu zéi'kan pahpaan um paazku in esa. Si Opo Empung si niméléng ni aku an aku iatu-Na i mahwoka' u Nuwu' Lé'os itii.

Efesus 3:2

Tantumo ni kamu én timalingamo um paayangen méiwéhé ni Opo Empung wia ni aku in tumulung ni kamu mapata'u tumoro ung kamang méitambér ni Opo Empung.

Efesus 3:7

Ung kenumo u Nuwu' Lé'os un iwoka'ku wia ni kamu. Si Opo Empung timambér ung kamang wia ni aku i ni aku mahwoka' u Nuwu' Lé'os itii. Ung kamang itii éng kinailekangku mengiité ung kawasa-Na u mahpaayang witu un atéku.

Kolose 1:23

Niitumo, ni kamu én tia'mo kumana' i ma'éman wo tia'mo mahzua-zua genang. Ni kamu én uli-ulit ma'émanla wo tia' ipahtutula'u um pahéré'an niou witu u Nuwu' Lé'os tumoro si Yesus, un tinalinga niouo itii. U Nuwu' Lé'os itii é méikawoka'mo wia ung kaayahan, wo ni aku, Paulus, si mahpaayang a méiatu ni Opo Empung i mapata'u u Nuwu' Lé'os tumoro si Yesus itii.

1 Tesalonika 3:2

An iatu naima si Timotius i mangé wia ni kamu. Ni sia éng katuarita esa pa'émanen wo kapaayang nai i mahpaayang wia si Opo Empung i mahwoka' u Nuwu' Lé'os tumoro si Kristus. Ni sia méiatu naima i mamenté' un até niou wo sumésa wia ni kamu, wo kaenté'na um pa'émanen niou.

1 Timutius 4:6

Timotius, niitu péléng én totoz in ipahtuzu'mula wia sé katuari esa pa'émanen, wo séra zéi'kan kumiit an tutuzu' zéi'kan ulit. Karia in téntu, ni ko é maéndo memamaayang ni Kristus Yesus si lé'os uman. Sa ko mangunla un téntu, um pa'émanennu éng kaenté'na pahpaan rengan im puuna é mahkiit an tutuzu' ulit.