Kisah Rasul-rasul 4:2 - Taaz Weru Witu u Nunuwu'en Tombulu

² Sé tou itii én totoz maupi' pahpaan si Petrus wo si Yohanes é mahtuzu' wia sé tou lakez wo mahwoka' i sé tou nimatémo én itou sumaup tanu si Yesus i méitoumé sumaup ni Opo Empung.

Kisah Rasul-rasul 4:2 ပူးပေါင်းရင်းမြစ်များ

Kisah Rasul-rasul 13:45

Taan sé tou Yahudi é mahtéutéu pahpaan nimilekla sé tou lakez itii. Wo péléng an ipahkua ni Paulus ém pahséro'an wo ipahzéi' néra.

Kisah Rasul-rasul 17:18

Wo wéwéhan kasii sé woopira méster an tutuzu' Epikuros wo an tutuzu' Stoa mahzéi'-zéi'an kariana. Wéwéhan sé mahkua, “Apa un ipahkukua ni wayaan uman kanuwu'an kenu?” Taan sé walina kasii é mahkua, “An ipahkua ni tou kenu én tumoro sé opo-opo zéi'kan kata'uan.” Ni séra mahkua in téntu pahpaan ni sia é mahwoka' u Nuwu' Lé'os tumoro si Yesus, wo tumoro si Yesus i méitoumé sumaup ni Opo Empung im wia sé nimaté.

Kisah Rasul-rasul 19:23

In toro niitu, im witi Efesus é nimarikoka' pahpaan wéwéhan sé tou sé mahsaru an tutuzu' ni Paulus tumoro u lalan kura ing kumiit si Mahpiara.

Kisah Rasul-rasul 24:21

Kaapa ni aku ém pahgenangen nérala i simala' pahpaan in toro niitu ni aku éng kiméréta in téntii, ‘Ni aku méisarumé wia u Mahkamah Agama kenu pahpaan ni aku é ma'éman sa sé tou nimatémo én itou sumaup ni Opo Empung.’ ”

Kisah Rasul-rasul 26:23

Ni séra mahwoka' i si Mesias é léwo'zéi' mazézéha, wo ni Siamo si kataré-taré méitoumé sumaup ni Opo Empung im wia sé nimaté. Wo ni Sia si makumua wia sé tou Yahudi wo sé tou zéi'kan Yahudi tumoro u Nuwu' Lé'os un tanumokan sena' wia ni séra.”

Kisah Rasul-rasul 26:8

Kaa pahgenangen nioula in zéi'kan mamuali si Opo Empung in tumou sumaup sé tou nimatémo?

Kisah Rasul-rasul 3:15

Ni Sia si mahwéhémé un uli-ulit katou-touan wia péléng sé tou ém winunu' niouola. Taan ni Sia é méitoumomé sumaup ni Opo Empung im wia sé nimatémo. Ni kaimo sé nimilek a nimamuali itii.

Kisah Rasul-rasul 5:17

Ing kamurian, si Walian Wangko' wo sé sana réwok tou Saduki sé mahkii-kiit ni sia, timotozla in zumézéha sé aatu ni Yesus pahpaan ni séra én totoz menéutéu sé aatu itii.

Roma 8:11

Si Roh ni Opo Empung, si timou sumaup si Yesus im wia sé nimaté é nimaesamo karia niou. Ni Sia si timou sumaup si Kristus Yesus im wia sé nimaté é méhé ung katou-touan witu un awak niou u maléwo' itii mengiité si Roh-Na si nimaesaan karia niou.

1 Korintus 15:23

Péléng sé tou nimaté én itou sumaup ni Opo Empung mengiit un orasna. Si kataré-taré é si Kristus, pahpaan ni Sia én tanu um wua'na kataré im wana an tinanem. Tumondong niitu é sé tou ni Kristus, i ni Sia méyé sumaup wia ung kaayahan.