Kisah Rasul-rasul 27:41 - Taaz Weru Witu u Nunuwu'en Tombulu

⁴¹ Taan u londéi tua'na itii é méikasundur umana witu un eris, wo um puunana u londéi tua'na é méikateptepa makaz in zéi'mo mata'u mogé. Wo u murina u londéi tua'na kasii é nimakayasa pahpaan in tinoromé u sempa' selah.

Kisah Rasul-rasul 27:41 ပူးပေါင်းရင်းမြစ်များ

Kisah Rasul-rasul 27:17

I mémoisakémé witu u londéi tua'na u londéi oki' itii, a rikezan nérala karia un tali u londéi tua'na itii én taa u londéi tua'na itii maléwo'. Pahpaan maindé' ikasundur witu un eris witi Sirtis, an iroros nérala u layar u londéi tua'na, an iwaya nérala u londéi tua'na itii i melembo-lembo mahkiita u reges.

Kisah Rasul-rasul 27:30

Taan sé memamaayang witu u londéi tua'na itii éng gimenango in tumingkas. Niitumo ni séra én timumpama u londéi oki' wo mahgau-gau i mahtutumpa um woopira jangkar um witi puuna u londéi tua'na.

Kisah Rasul-rasul 27:40

Owaren nérala an tali méiapus an jangkar an iwaya nérama an jangkar itii méikatenema witi tasik. Owaren nérala an tali a méiapus ung kamudi, am pitaren néra kasiila u layar witi puuna wo u reges toro mahwali u londéi tua'na itii mangé witi tembir un tasik.

Kisah Rasul-rasul 27:42

In toro niitu, sé suraro éng gimenango i munu' sé tou tinionan néra wo zéi'kan siapa zozo' in esa si moyoua in tumingkas.

1 Korintus 15:58

Niitumo, katuari-katuari ikararaatéku, rumendaila menté-enté', tia' mahzua-zua genang i ma'éman. Mahtututu'la i mahpaayang am paayangen méiwéhé ni Mahpiara wia ni kamu, pahpaan kata'uan niouo im witu u sinaru ni Mahpiara, zéi'kan siapa am pinaayang niou an zéi'kan siapa torona.