Kisah Rasul-rasul 27:20 - Taaz Weru Witu u Nunuwu'en Tombulu

²⁰ Im woopirana endomo ni kai in zéi'kan nimahile-ilekla si endo wo sé tototi'en wo u reges repet én zéi'kan kumana' i mahtoromé ni kai, ing kamurian ni kai én zéi'mo mahéré'la i mamenou-nou.

Kisah Rasul-rasul 27:20 ပူးပေါင်းရင်းမြစ်များ

Matius 24:29

Ang kuan ni Yesus, “Sa nimazéi'moma an zézéha witu un oras itii, si endo é marimbengbeng wo si loloho'en én zéi'mo sumena'. Sé tototi'en é magogo im witi langit wo ang kawasa witi langit é makayo'.

1 Tesalonika 4:13

Katuari-katuari, kapaaz nai ing kata'uan nioula tumoro kura sé tou nimatémo, wo un até niou zéi'kan rumara tanu sé tou walina sé zéi'kan siapa pahéré'an.

Efesus 2:12

In toro niitu ni kamu én zéi'kampé' mata'u tumoro si Kristus, ni kamu zéi'kampé' ipahrékén in tou Israel sé tou ni Opo Empung wo ni kamu én zéi'kan makailek um wéwéténgan witu un taaz ni Opo Empung. Ni kamu sé im wia ung kaayahan én zéi'kan siapa pahéré'an wo ni kamu zéi'kan mata'u si Opo Empung.

2 Korintus 11:25

Makatelu ni aku zinézéha pahwélwélen né tou Romawi, makasa pahweriten karia am watu im pahwuwunu'en néra, makatelu u londéi tua'na sinakéangku ém woanokan méikatenem wo sana endo sana wengi i melembo-lembo witi unez un tasik.

Kisah Rasul-rasul 27:19

Witu un endo katelu, am pakakas witu u londéi tua'na itii én ipahtia'mo né mahpaayang witu londéi tua'na itii.

Kisah Rasul-rasul 27:21

Pahpaan woopirana endomo ni séra zéi'kan kiman, a si Paulus rumendaia witu un unez néra ang kumua, “Katuari-katuari, sa kiniitan nioula u méikuaku im witipé' katanaan Kreta in tia'pé' suméngkot, ni kita én zéi'kan nimasusa tanu in tarékan wo timia' am pahali-alinta.