Kisah Rasul-rasul 27:18 - Taaz Weru Witu u Nunuwu'en Tombulu

¹⁸ Pahpaan u londéi tua'na sinakéan nai ém wayaan ung kasaruan im pahtoroné u reges totoz repet, niitumo i nimasandomé, a méisaké witu u londéi tua'na itii én ipahtia' néramo.

Kisah Rasul-rasul 27:18 ပူးပေါင်းရင်းမြစ်များ

Matius 16:26

Apa un torona si tou nimakailek péléng am wia ung kaayahan, taan ni sia éng kinaliongan ung katou-touanna? Apa un toro iwéhéna i sumawel ung katou-touanna?

Lukas 12:23

Pahpaan ung katou-touampé' un ipahpuu-puuna taan ung kakanen, wo un awakpé' un ipahpuu-puuna taan ung karai.

Lukas 16:8

A si tuangna mahlooz si melélé'os an zoit si tantowo itii, pahpaan ung kasigaanna i menéro lalan. Pahpaan sé tou mahkiit a lelo ung kaayahanpé' sé totoz siga' i mahpenéro lalan i makailek ung kauntungan néra im wia sé kasuat néra, taan sé tou mahkiit ang kapaaz ni Opo Empung.

Kisah Rasul-rasul 27:19

Witu un endo katelu, am pakakas witu u londéi tua'na itii én ipahtia'mo né mahpaayang witu londéi tua'na itii.

Kisah Rasul-rasul 27:38

Im wesuhmo, an itia' nérama witu un tasik péléng ang gandum wana ang kazo wo u londéi tua'na itii maroraka.

Ibrani 12:1

Katuari-katuari, péléng sé tou ma'éman sé menou-nou im puuna itii é limiklik ni kita tanu u ninahak. Karia ung katou-touan néra i ma'éman wia si Opo Empung u méipapailek néra wia ni kita, toro maéndo kékéréan wia ni kita i menté' um pa'émanenta. Niitumo, itula'umola péléng am mahwutez wo a singkéla' u mengapé-ngapé' ni kita, tanu i mahtututu' im wana am pahlolowaan u léwo'zéi' ing kiitenta.