Kisah Rasul-rasul 17:5 - Taaz Weru Witu u Nunuwu'en Tombulu

⁵ Taan sé tou Yahudi walina é mahtéutéu si Paulus wo si Silas. Ni séra riméwoké sé tou sangaya sé melaé-laés witi pemamangkéran, ang kumayo' wo mahrikoka' witu um wanua tua'na itii. Ni séra nimuntepa witu um walé ni Yason i menéro si Paulus wo si Silas wo séra zua toro iayo néra in totozen né tou lakez.

Kisah Rasul-rasul 17:5 ပူးပေါင်းရင်းမြစ်များ

Matius 27:18

Un ulitna éng kata'uano ni Pilatus i ni séra nimayo si Yesus pahpaan uman un téutéu.

Kisah Rasul-rasul 13:45

Taan sé tou Yahudi é mahtéutéu pahpaan nimilekla sé tou lakez itii. Wo péléng an ipahkua ni Paulus ém pahséro'an wo ipahzéi' néra.

Kisah Rasul-rasul 14:19

Méyé sé tou Yahudi sé witi Antiokhia wo Ikonium, mahaker sé tou lakez ing kumiit ni séra. A si Paulus pahweriten néra karia am watu. Pahpaan pahgenangen nérala ni sia é nimatémo, a sia kéhongen néramé méiondolé im witi wanua tua'na.

Kisah Rasul-rasul 14:2

Taan sé tou Yahudi sé soo an ipahwoka' néra zua é mahaker sé tou zéi'kan Yahudi, wo nimangun ni séra maupi' wia sé tou ma'éman.

Kisah Rasul-rasul 17:13

Taan ing kata'uala né tou Yahudi witi Tesalonika sa u Nuwu' ni Opo Empung é mémoipahwoka' kasiimé ni Paulus witi Berea, a séra mangé wana i maker sé tou lakez wo séra maupi' wia si Paulus wo kasii mangun ni sera maringka'.

Kisah Rasul-rasul 17:6

Taan si Paulus wo si Silas én zéi'kan kinailekan néramé. Niitumo, ni séra éng kiméhongé si Yason wo sé woopira katuari esa pa'émanen, an ipahwalima wia sé mahkawasa witu um wanua tua'na itii karia i mahkérét, “Sé tou sé mahrikoka' wana péléng an tampa, niméyémo wia um wanua tua'nata kenu,

Kisah Rasul-rasul 17:7

wo si Yason é simungkula ni séra i mento' witu um waléna. Ni séra péléng é mahsaru an tinotoz ni Kaisar. Ni séra é mahkua im wéwéhan si kolano walina si makangaran Yesus.”

Kisah Rasul-rasul 17:9

Taan i sé mahkawasa itii winéhanola ni Yason wo né katuari esa pa'émanen un zoit un tumuzu'mé i ni séra én zéi'mo rumikoka', a séra ipiloté né mahkawasa itii.

Kisah Rasul-rasul 18:12

Taan i si Galio nimaéndomoma gubernur witi Akhaya, sé tou Yahudi é nimaesaan i mahsaru si Paulus. Tumondong niitu, ni sia é méipahwali nérama witi penonotozan ulit kaapa zéi'kan am pahwangunen né tou.

Kisah Rasul-rasul 19:40

Pahapaan u nimamuali in tarékan én toro mangun ni kita ikaléwo'. Sé mahkawasa né Romawi én toro métumoké i ni kita mahrikoka' é mahsasaru ni séra. Pahpaan zéi'kan siapa un toro ikuata i mahuulit um pahréwo-réwokan zéi'mo kaulitan kenu.”

Kisah Rasul-rasul 7:9

Pahpaan sé nimaopota menéutéu si Yusuf si tuari nérakan, niitumo ni sia é méiwangkér nérama a maéndo ata witi tana' Mesir. Taan si Opo Empung é memali-mali kariana,

Roma 16:21

Si kapaayangku, si Timotius é méhéma u sigi'na. Téntu kangkasii sé kakaria kawanuaku si Lukius, si Yason wo si Sosipater.

1 Korintus 3:3

Pahpaan ung katou-touan niou é mahkiit uman a lelo wia ung kaayahan, i ni kamu é mahtétéutéuan wo mahéndo-éndoan. Am pemangu-mangunen niou é mahkiitpé' a lelo wia ung kaayahan wo am pemangu-mangunen né tou zéi'kampé' ma'éman.

2 Korintus 11:26

Im wana am pahlampangangku ni aku é makalakez masungkul un toro mangun ni aku ikaléwo' wana a lewuh, ikaléwo' pahpaan sé mahkahat an anu né tou, ikaléwo' pahpaan sé tou Yahudi wo sé tou zéi'kan Yahudi, ikaléwo' wana am wanua tua'na, ikaléwo' wana ang kapelasan, ikaléwo' witi unez un tasik, wo kasii ikaléwo' pahpaan sé tou sé mahkua ing katuari esa pa'émanen wia si Opo Empung taan ndéén zéi'kan.

Galatia 5:21

soo milek sé tou walina mahpaa-paaz, matetewelen, memésta-mésta uman wo am walina. Tumoro niitu péléng, ni aku é mapagenanga wia ni kamu in tarékan tanu u méipapagenangku im puuna: séi uman sé mahwangun an téntu én zéi'kan makailek wéwéténgan witi Kakolanoan ni Opo Empung.

Galatia 5:26

Tia' kita maloozan, wo tia' kita mahpapasu'an wo mahtétéutéuan.

1 Tesalonika 1:6

Ni kamu é nimahkérémola wia ni kai wo nimahkérémola wia si Yesus Mahpiara. Zozo' ni kamu én totoz zézéha, ni kamu é simungkul u Nuwu' ni Opo Empung un ipahtuzu' nai wia ni kamu karia u mahpaa-paaz u méiwéhémé ni Roh Lenas.

Yakobus 4:5

Tia' kamu mahgenangla a méipantik witu um Pinantik Lenas én zéi'kan siapa ung kalakoana ing kimua in téntii, “Si roh si méiwéhémé ni Opo Empung wia ni kita én téiz wia ni kita sa zéi'kan mahtali-talinga wia ni Sia!”