Kisah Rasul-rasul 17:12 - Taaz Weru Witu u Nunuwu'en Tombulu

¹² Pahpaano niitu, lakez im wia ni séra sé nima'éman. Im wia ni séra kasii, lakez sé tuama wo sé wéwéné Yunani sé ipahkua-kua.

Kisah Rasul-rasul 17:12 ပူးပေါင်းရင်းမြစ်များ

Markus 15:43

Si Yusuf, si tou Arimatea, ni sia én esaané im wia sé sana réwok tou né Mahkamah Agama, si pahsigi-sigi'en wo kasii mengento-ngento' ung Kakolanoan ni Opo Empung. Ni sia nimapasuata i masimaru wia si Pilatus i mahaléi un awak ni Yesus i maileweng.

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Kisah Rasul-rasul 13:46

Taan karia im wuaya si Paulus wo si Barnabas mahkua wia sé tou itii, “Ulit u Nuwu' ni Opo Empung é léwo'zéi' in ipuuna iwoka' wia ni kamu in tou Yahudi, taan ni kamu é soo ma'éman. Im witu ung genang niou, ni kamu é mahgenangla un tou niou én zéi'kan wangun i makailek ung katou-touan makaz ing kauré-uré. Niitumo in tarékan ni kamu én itula'u nai i mangé wia sé zéi'kan tou Yahudi i mahwoka' u Nuwu' ni Opo Empung itii.

Kisah Rasul-rasul 13:50

Taan sé tou Yahudi é mahaker sé wéwéné pahsigi-sigi'en sé maindé' si Opo Empung wo sé tonaas witu um wanua tua'na itii. Ni séra zimézéha si Paulus wo si Barnabas wo nimohomé ni séra zua im witi tana' itii.

Kisah Rasul-rasul 14:1

I si Paulus wo si Barnabas méikaayola witi Ikonium, ni séra kasii nimuntepa witu um walé peraragésan né tou Yahudi. Im witu ni séra én totoz ma'ulit i nimahtuzu'mé makaz lakez sé tou Yahudi karia né tou Yunani nima'éman wia si Yesus.

Kisah Rasul-rasul 2:47

Ni séra é mahlooz si Opo Empung wo ni séra kasii éng kapaaz né tou lakez. Wo sekez in endo ung kalakez né tou méipilot im witu un ukuman wana a singkéla' ém pahawesan ni Opo Empung.

1 Korintus 1:26

Katuari-katuari! Amoké genangen nioula, kura ung katou-touan niou in tinawah ni Opo Empung a maéndo tou-Na. In toro niitu, mengiit um pahgenangen né tou: sé tou tulap, sé mahkawasa wo sé tou ipahkua-kua é mena'sapé' sé wia ni kamu.

Efesus 5:14

Niitumo wéwéhan u méikua, “Tumoozomé, é ni ko si timekel, mawongkémomé im wia sé nimaté wo si Kristus maéndo sena' witu ung katou-touannu.”

Yakobus 1:10

wo si tou wa'ilan é léwo'zéi' i mahpaa-paaz kangkasii sa sia iperorosla ni Opo Empung. Ni sia é mazéi' tanu am wungana an zukut u rewek uman maweles.

Yakobus 1:21

Niitumo, itia'la péléng a makazi'zisen wo a léwo' totoz lakez am pemangu-mangunen niou. Wo sungkulela u nuwu' ni Opo Empung u mémoiwéhé witu un até niou karia u roros até. Pahpaan u nuwu' itii ém wéwéhan kawasa i milot ni kamu im witu un ukuman wana a singkéla'.