Kisah Rasul-rasul 13:52 - Taaz Weru Witu u Nunuwu'en Tombulu

⁵² Sé mahkiit-kiit si Yesus sé witi Antiokhia én totoz mahpaa-paaz wo kinawasa ni Roh Lenas.

Kisah Rasul-rasul 13:52 ပူးပေါင်းရင်းမြစ်များ

Matius 5:12

Mahkonta-konta'la ni kamu i mahpaa-paaz pahpaan um wawaér makailekan niou witi kasendukan én totoz wangko'. Pahpaan sé nabi puunala ni kamu kangkasii ém pinahzézéhamola tanu niitu.”

Kisah Rasul-rasul 11:29

Tumalingamé niitu, sé tou ma'éman si Yesus én timotozla i ruméwok a sasawang mengiit ung kawawaan ni esa wo ni esa im pahalin wia sé katuari esa pa'émanen sé mahento' witi tana' Yudea.

Kisah Rasul-rasul 2:4

A si Roh Lenas kumawasala wia ni séra péléng. Tumondong niitu, a séra méhé i mahnuwu' karia a nunuwu'en walina, mengiit a méiwéhémé ni Roh Lenas wia ni séra.

Kisah Rasul-rasul 2:46

Wo sekez in endo ni séra én zéi'kan kumana' i meréwo-réwok witi Walé ni Opo Empung wo ni séra én esa genang. Um walé ni esa wo ni esa é mahsasawel im pahangéan néra i mahkan mahwali-wali karia i mahpaa-paaz wo ung genang lé'os.

Kisah Rasul-rasul 4:31

Karegas i mengaléi, un tampa kinaréwokan néra é mahogémo. Ni séra péléng éng kinawasamo ni Roh Lenas, a séra mahwoka' u Nuwu' ni Opo Empung karia in zéi'kan siapa un ikaindé'.

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Roma 14:17

Pahpaan ung Kakolanoan ni Opo Empung én zéi'kan tumoro ang kakanen wo am pengengelepen, taan tumoro ung kaulitan, u mahlé'o-lé'osan wo u mahpaa-paaz wia si Roh Lenas.

Roma 15:13

Mengalé-ngaléi uman si Opo Empung, si mahwéhémé am pahéré'an é méhémé malake-lakez wia ni kamu u mahpaa-paaz wo ung kaluasan witu un até pahpaan ni kamu ma'éman wia ni Sia. Wo karia ung kawasa ni Roh Lenas, um pahéré'an niou é malake-lakez wia si Opo Empung.

Roma 5:3

Zéi'kan uman niitu, taan taré kita én toro mahpaa-paaz im wana am pengalinta, pahpaan kata'uanta sa am pengalinta itiimo a mangun ni kita ezen,

2 Korintus 8:2

Ni séra ém pema'wa'en karia an zézéha totoz wutez taan ni séra é mahpaa-paaz, wo zozo' ni séra zéi'kan siapa apa, taan un até néra ém wa'ilan karia ung karipu'an i mahsawang sé tou walina.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

1 Tesalonika 1:6

Ni kamu é nimahkérémola wia ni kai wo nimahkérémola wia si Yesus Mahpiara. Zozo' ni kamu én totoz zézéha, ni kamu é simungkul u Nuwu' ni Opo Empung un ipahtuzu' nai wia ni kamu karia u mahpaa-paaz u méiwéhémé ni Roh Lenas.

Yakobus 1:2

Katuari-katuariku, mahpaa-paazola zozo' lakez am pema'wa'en pahpendanen niou.

1 Petrus 4:13

Taan, ni kamu é mahpaa-paazola, pahpaan an zézéha itii én tanu an zézéha pinahpendané ni Kristus. Karia in téntu, i si Kristus méyé sumaup wo mapailek ung kawangko'an-Na, ni kamu én toro mahpaa-paaz makaz i mahkonta-konta'.