Ibrani 8:2 - Taaz Weru Witu u Nunuwu'en Tombulu

² Ni Sia si mahpaayang am paayangen ni Walian Wangko' witi tampa totoz lenas witi ténda pahento'an ni Opo Empung witi kasendukan. Un ténda itii ém winangun ni Opo Empung, zéi'kan winangun né tou.

Ibrani 8:2 ပူးပေါင်းရင်းမြစ်များ

Lukas 24:44

Kuan-Na wia ni séra, “Ung kenumo un ikua-Kuma wia ni kamu, a méikua-Kumo wia ni kamu i ni Aku memali-mali karia niou, im péléng a mémoipantik tumoro ni Aku witu ung kitap Torat, um Pinantik né nabi wo witu u Mazmur én totoz malekep.”

Roma 15:8

Ung kalakoana én téntii: Si Kristus é nimaéndomo menanawang im wia sé tou Yahudi i mapailek i si Opo Empung én zéi'kan maliuz wana a méitaaz-Na wia sé nimaopota.

2 Korintus 5:1

Ung kata'uan nai, un awakta im wia ung kaayahan é masuat uman wo un ténda pahento'anta u maléwo'. Si Opo Empung é méhé wia ni kita um walé witi kasendukan. Um walé itii ém winangun ni Opo Empung, zéi'kan maléwo' makaz ing kauré-uré, zéi'kan winangun ni tou.

Kolose 2:11

Pahpaan nimaesamo karia ni Kristus, ni kamu é sinunat. U sunat itii én zéi'kan u sunat um pahwangunen uman né tou, taan u sunat um pahwangunen ni Kristus, u nimangun ni kamu méipiloté im witu ung kawasa u lelo un awak u mahwangun ni kamu i mahsingkéla'.

Ibrani 10:11

Sekez in endo péléng sé walian é mahpaayang am paayangen néra wo menau-naup mahkeriz sé tatamun sé masuat in iragés. Taan un ipahragés néra én zéi'kan mamuali in zuméi' a singkéla'.

Ibrani 10:21

Si Yesus ém Walian Wangko'ta si maéndo tonaas witi Walé ni Opo Empung.

Ibrani 11:10

Pahpaan si Abraham uli-ulit ma'éman i ni sia é milek um wanua tua'na u makato'tolan enté', u niimeko wo winangun ni Opo Empung, niitumo ni sia é ma'ento' karia in zéi'kan mahzua-zua genang i makailek um wanua tua'na itii.

Ibrani 9:1

Witu um pinataazan kataré, wéwéhan an tinotoz i mahragés wia si Opo Empung wo an tinotoz witu un untep un ténda ni Opo Empung um winangun wia ung kaayahan kenu.

Wahyu 21:3

An talingangkumé u nuwu' totoz rimez kimérété im witi rurumezan ni Kolano kimuamé, “Ilekena, um pahwéha-wéhan ni Opo Empung ém witumo un unez né tou wo ni Sia é mamento' mahwali-wali karia néra. Ni séra é maéndo tou-Na, wo ni Sia é menaté-natér ni séra wo maéndo Opo Empung néra.