Ibrani 7:16 - Taaz Weru Witu u Nunuwu'en Tombulu

¹⁶ Ni Sia é nimaéndo Walian Wangko' zéi'kan mengiit an tinotoz tumoro sé suzu né tou taan mengiit ung kawasa menou-nou un zéi'kan lamaléwo'.

Ibrani 7:16 ပူးပေါင်းရင်းမြစ်များ

Roma 7:14

Kata'uanta un ukum Torat itii ém wia si Roh ni Opo Empung a méyé. Taan ni aku én tou uman si mahkiit uman ung kapaaz ung kaayahan. Ni aku én tanu méiwangkéro i maéndo ata u singkéla'.

Galatia 4:3

Téntu kangkasii ni kita: Sa ung katou-touanta é mahasa-asarpé' sé koki', ni kita ém pahata-atampé' an tinotoz wia ung kaayahan kenu.

Galatia 4:9

In tarékan ni kamu é mata'umo si Opo Empung, lumouspé'mé niitu si Opo Empung é mata'umo ni kamu. Kaa kamu mawuri uman taré wana an tinotoz an zéi'kan enté' wo zéi'kan siapa apa in iwéhé wo nimayo kasii un tou niou im pahata-atan an tinotoz itii?

Kolose 2:14

wo ziméi'la an utang mémoikapantik a léwo'zéi' im waérenta, a mahindé' wo mukum ni kita pahpaan zéi'kan kawawaanta i maér. Si Opo Empung ziméi'la an utangta i nimakula um pinantikan an utangta itii witu u salip.

Kolose 2:20

Ni kamu én tanu nimatémo karia ni Kristus, wo mémoipiloté im witu ung kawasa né roh léwo' wia ung kaayahan, kaa kamu kinawasapé' a léwo'an wia ung kaayahan? Kaa kamu menou-nou mahkiitpé' an tinotoz né wia ung kaayahan, in téntii:

Ibrani 10:1

A méipantik witu un ukum Torat én tanumokan um wangun u mahéyé taan zéi'kan totoz masuat karia un ulitna um wangun itii. Sa ikiit un ukum Torat, sekez in ta'un, sé tou paaz marumété wia si Opo Empung é léwo'zéi' i mahalima sé tatamun kinerizo in iragés, taan un ukum Torat itii én zéi'kan mamuali i mangun sé tou maéndo zéi'kan siapa pahséro'an.

Ibrani 7:15

Im witu um pahkuantala kenu én toro kaile-ilekanta wo kata'uanta, sa wéwéhan si maéndo Walian Wangko' weru, ni sia éng kasuat ni Melkisedek.

Ibrani 7:17

Pahpaan tumoro ni Sia, witu um Pinantik Lenas é méipantik téntii, “Ni Ko ém Walian makaz ing kauré-uré, mengiit ung katou-touan wo um pakahpaayang ni Melkisedek im puuna.”

Ibrani 7:21

Taan si Opo Empung timotoz si Yesus Kristus i maéndo walian karia un tiwa'-Na, pahpaan si Opo Empung é nimuwu' wia ni Sia, “Si Opo Empung én timiwa'mo wo ung ginenang-Na én zéi'mo mawalina. ‘Ni Ko ém Walian makaz ing kauré-uré.’ ”

Ibrani 7:28

Pahpaan wana un ukum Torat é méitotoz kura sé tou mahsingkéla' i maéndo Walian Wangko'. Taan un tiwa' méikua ni Opo Empung maapuma un ukum Torat itii i méiwéhé én timotoz si Oki'-Na i maéndo Walian Wangko', si zéi'kan siapa pahséro'an makaz ing kauré-uré.

Ibrani 7:3

Zéi'kan siapa si mata'u séi si ama', si ina' kaapa sé nimaopo ni Melkisedek. Téntu kangkasii zéi'kan méipantik witu um Pinantik Lenas ing kawisa sia nimatou wo ing kawisa sia i nimaté. Ni sia ém pinasuat karia ni Oki' ni Opo Empung, ni sia ém walian makaz ing kauré-uré.

Ibrani 9:14

apapé' kasii un zaha' ni Kristus mengiité ung kawasa ni Roh Lenas si makaz ing kauré-uré é méiwéhé-Na in esa wia si Opo Empung i maéndo raragés zéi'kan siapa pahséro'an. Un zaha' ni Kristus itii u mangun un atéta weresi im wana am pemangu-mangunen an zéi'kan siapa torona, wo kita toro lumooz wo maayang wia si Opo Empung si menou-nou.

Wahyu 1:18

wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.